DDU basshysy Astanadaǵy júgirý jarysyna qatysty
Astanada MSAK boıynsha Almaty deklaratsııasynyń 45 jyldyq mereıtoıyna, Astana deklaratsııasynyń 5 jyldyq mereıtoıyna jáne DDU-nyń 75 jyldyq mereıtoıyna arnalǵan MSAK boıynsha Jahandyq konferentsııa ótkizý sheńberinde Botanıkalyq baqta «Sózden iske/ Walk the talk/ Ot slov k delý» uranymen qysqa qashyqtyqqa júgirý dástúrli aktsııasy ótti, dep habarlaıdy Kazinform Densaýlyq saqtaý mınıstrliginiń baspasóz qyzmetine silteme jasap.
Búgingi jarysqa qatysý úshin 800-den astam adam tirkeldi. Onyń ishinde birinshi qatarda Dúnıejúzilik densaýlyq saqtaý uıymynyń basshysy Tedros Gebreıesýs, DDU Eýropalyq óńirlik bıýrosynyń dırektory Hans Klıýge, QR Densaýlyq saqtaý mınıstri Ajar Ǵınııat, elordalyq densaýlyq saqtaý uıymdarynyń medıtsına qyzmetkerleri, Astana medıtsına ýnıversıtetiniń stýdentteri, ártúrli sport túrlerinen Olımpıada chempıondary jáne belsendi ómir saltyn ustanatyn, sportpen shuǵyldanatyn qala turǵyndary bar.
Іs-sharany ashqan QR Densaýlyq saqtaý mınıstrliginiń basshysy álemniń 80 elinen kelgen delegatsııa qatysýymen ótetin MSAK jónindegi jahandyq konferentsııa sııaqty mańyzdy oqıǵalar qarsańynda DDU kez kelgen elde salamatty ómir saltyn ustanýdyń eń jaqsy kórinisi bolǵan osyndaı densaýlyq marafondaryn ótkizetinin atap ótti.
Doktor Tedros Gebreıesýs jarysqa qatysýshylardy da quttyqtap, MSAK-tyń adamdardyń densaýlyǵyn jaqsartýdaǵy erekshe rólin atap ótti.
«2018 jyly biz osyndaı is-shara ótkizdik, Almaty deklaratsııasynyń 40 jyldyǵyn atap óttik jáne osy jerde men osy saıabaqta sóz sóıledim, aǵashtardyń óskenin kórgenime óte qýanyshtymyn! Astana deklaratsııasyn qoldaýdyń, ilgeriletýdiń arqasynda sońǵy 5 jylda medıtsınalyq-sanıtarııalyq alǵashqy kómek te óziniń damyp keledi. Bul marafonnyń maqsaty – sózden iske, barlyǵyna densaýlyq saqtaý salasyn ilgeriletý, densaýlyq saqtaý qyzmetimen bárin qamtamasyz etý», - dedi doktor Gebreıesýs Botanıkalyq baqta jarys bastalar aldynda sóılegen sózinde.
DDU basshysy qazaqstandyqtarǵa jaman ádetterden arylýǵa, alkogol men temeki shegýge qarsy turýǵa, fızıkalyq belsendi bolýdy usyndy.
«Bul ómirdegi eń jaqsy kóretin nárse - medıtsınalyq oqý oryndarynyń stýdentterimen áńgimelesý, al ekinshisi – fızıkalyq belsendilik. Bul jahandyq konferentsııanyń óte shabyttandyratyn bastamasy», - dedi DDU Eýropalyq ofısiniń dırektory, doktor Hans Klıýge.
«Birneshe apta buryn sizderdiń mınıstrlerińiz Nıý-Iorkte ótken BUU Bas Assambleıasynyń sheńberinde mańyzdy sessııalardyń birin ótkizdi. Siz óte jaqsy áser qaldyrdyńyz, barlyq delegatsııalar Sizdiń kóshbasshylyq qabiletterińizdi atap ótti»,-dep moıyndady Malta Premer-Mınıstriniń orynbasary jáne densaýlyq saqtaý mınıstri Krıstofer Fırn (Shristopher Fearne).
«Osy demalys kúnderi meniń elim Maltada medıtsınalyq tehnologııalar boıynsha dúnıejúzilik konferentsııa ótti. Keshe Astanaǵa ushqanymda, meniń janymda Shvetsııadan kelgen qyz ushaqta otyrdy. Ol da Maltaǵa kópbeıindi konferentsııaǵa ushyp keldi. Ol jasandy júrekterdi jasaý úshin jumys isteıdi. Onyń aıtýynsha, Astana – jasandy júrekteri bar elorda. Doktor Tedros pen Klıýge aıtqandaı, eger sizder fızıkalyq belsendilikpen aınalysatyn bolsańyzdar, sizderge jasandy júrekter qajet emes, óz júrekterińiz jetkilikti bolady», - dedi Malta Densaýlyq saqtaý mınıstrliginiń basshysy.
Іs-sharanyń qurmetti qonaǵy retinde belgili sportshylar, birneshe dúrkin olımpıada júldegerleri, olardyń ishinde bokstan álem chempıony, QR eńbek sińirgen jattyqtyrýshysy Mereı Aqshalov, taekvondodan QR birneshe dúrkin chempıony, halyqaralyq týrnırlerdiń jeńimpazy, álem chempıonattarynyń, Azııa chempıonatynyń qola júldegeri, Beıjiń Olımpıadasynyń qola júldegeri, Arman Chılmanov, eki dúrkin Olımpıada jáne aýyr atletıkadan tórt dúrkin álem chempıony, birneshe dúrkin álem rekordshysy Ilıa Ilın, kórkem gımnastıkadan Azııa oıyndarynyń chempıony Anna Alıabeva shaqyryldy.
Saýyqtyrý aktsııasyna qatysýshylar úshin medıtsınalyq shatyrlar ornatylyp, jedel dıagnostıkadan ótip, qan qysymyn ólsheı alady.
