DDSU ókili Qazaqstanǵa alǵys aıtty

NUR-SULTAN. QazAqparat – Dúnıejúzilik densaýlyq saqtaý uıymynyń Eýropalyq aımaqtyq bıýrosynyń dırektory Hans Klıýge referens-zerthanalarynda testileý júrgizý múmkindigi úshin Qazaqstannyń Prezıdenti men Úkimetine alǵysyn bildirdi, dep habarlaıdy QazAqparat.

«Men Qazaqstannyń Úkimetine, Prezıdent Toqaev pen Densaýlyq saqtaý mınıstrligine COVID-19 yqtımal jaǵdaılaryna qatysty DDSU referens-zerthanalarynda testileý júrgizýge kelisim bergeni úshin alǵysymdy aıtamyn», - dep jazdy Hans Klıýge Twitter paraqshasynda .

Aıta ketsek buǵan deıin Memleket basshysy Qasym-Jomart Toqaev Úkimetti pandemııanyń statıstıkasyn birizdendirýdi mindettegen bolatyn. Búgin Densaýlyq saqtaý mınıstri Alekseı Tsoı Qazaqstanda pnevmonııamen aýyrǵandar KVI juqtyrǵandardyń statıstıkasyna engiziletinin jarııalady. Osylaısha COVID-19 boıynsha jańa statıstıka 1 tamyzdan bastap júrgiziledi.