DDSU maımyl sheshegimen kúresýge 135 mıllıon dollar surady
ASTANA. KAZINFORM – Aldaǵy alty aıda DDSU-ǵa maımyl shesheginiń órshýine qarsy kúreske shamamen 135 mıllıon dollar bólý qajet, bul týraly uıymnyń Bas dırektory Tedros Adhanom Gebreıesýs málimdedi, dep jazady Trend.
- Bizdiń boljamymyzsha, aýrýdyń ótkir kezeńinde maımyl indetin tezirek toqtatý úshin aldaǵy alty aıda shamamen 135 mıllıon dollar qajet, - dedi ol.
Gebreıesýs maımyl indetimen kúresý halyqaralyq qoǵamdastyqtyń keshendi jáne úılestirilgen kúsh-jigerin qajet etetinin atap ótti.
Buǵan deıin Armenııanyń Densaýlyq saqtaý mınıstrligi elde maımyl sheshegi indetiniń birde-bir jaǵdaıy tirkelmegenin jáne vedomstvoda bul aýrýdyń ený jáne odan ári taralý qaýpi tómen sanalatynyn málimdedi.
Sondaı-aq, elge prımattar men kemirgishterdi ákelýge jáne tasymaldaýǵa tyıym salyndy.
Esterińizge sala keteıik, Afrıkada mpos (maımyl sheshegi) órshýi nátıjesinde dúnıejúzilik densaýlyq saqtaý uıymy (DDU) búkil álem boıynsha densaýlyq saqtaý salasyndaǵy tótenshe jaǵdaı jarııalady. Bir aptanyń ishinde 2000-nan astam jańa jaǵdaı tirkeldi jáne vırýs kórshi elderge tarala bastady, bul halyqaralyq qaýymdastyqtyń alańdaýshylyǵyn týdyrdy. Búkil álem boıynsha, sonyń ishinde Qazaqstan men Qytaıdaǵy bılik vırýsty tejeý jáne onyń jahandyq taralýyn boldyrmaý úshin aldyn alý sharalaryn kúsheıtip jatyr.
