DDSU: COVID-19-dan qaıtys bolǵandar sany kúrt artty

NUR-SULTAN. QazAqparat - Dúnıejúzilik densaýlyq saqtaý uıymy COVID-19-dan oryn alǵan ólim-jitim sanynyń kúrt óskenin habarlady.

Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.

«Ótken aptada álemde COVID-19 juqtyrý faktileriniń jalpy sany 3,8 mıllıonnan asty, munyń saldarynan qaza tapqandar sany kúrt ósti. 69 myńnan astam adam qaıtys boldy, bul bir apta burynǵyǵa qaraǵanda 21% - ǵa kóp. Bul týraly DDU-nyń apta saıynǵy esebinde aıtylǵan. Koronavırýs ınfektsııasynyń jyldam taralýy Soltústik jáne Ońtústik Amerıkada jáne Batys-Tynyq muhıty aımaǵynda baıqalady»,-delingen aqparatta.