Daýys berý kabınasynda bıýlletenmen selfı jasaýǵa bola ma

ALMATY. QazAqparat - Almaty qalasy aýmaqtyq saılaý komıssııasynyń tóraǵasy Aıgúl Qalykova baspasóz máslıhaty barysynda daýys berý kabınasynda bıýlletenmen selfı jasaýǵa bola ma? degen saýalǵa jaýap berdi, dep habarlaıdy QazAqparat tilshisi.

«Ondaı jaǵdaılar oryn alyp jatsa, ol prokýratýramen birlesip shesheledi, eger selfı jasap, biraq esh jerde jarııalanbaǵan bolsa, bul saılaýshynyń jeke isi. Eger belgi qoıylǵan bıýlletendi áleýmettik jelige salsa, onda ony saılaý kúnindegi úgit-nasıhatpen teńestirýge bolady. Sondyqtan bul jerde árbir naqty jaǵdaıdy qarastyrý qajet. Muny saılaý komıssııasynyń ózi emes, prokýratýrany tarta otyryp, ol jerde zań buzýshylyq bar ma, joq pa, sony qaraıdy», - dep túsindirdi Almaty qalasynyń aýmaqtyq saılaý komıssııasynyń tóraǵasy.

Aıtýynsha, qazir qalada saılaý shtattyq rejımde ótip jatyr.