Dáýren Abaev «Jaýjúrek polki» sherýine kózqarasyn bildirdi

ASTANA. QazAqparat - QR Aqparat jáne kommýnıkatsııalar mınıstri Dáýren Abaev «Habar» telearnasyndaǵy «Ashyq suhbat» baǵdarlamasynda «Jaýjúrek polki» sherýine qatysty óziniń kózqarasyn bildirdi, dep habarlaıdy QazAqparat.

«Azamattarymyzdyń  99 paıyzy Uly Jeńis kúni - 9 mamyrdy este saqtaıdy. Barlyǵymyz da bul merekeni jaqsy kóremiz ári qatty qurmetteımiz (...).  Jyl saıyn Memleket basshysy Máńgilik alaýǵa gúl shoqtaryn qoıyp, ardagerlerdi quttyqtaıdy. Ókinishke oraı biriktirýi tıis osynaý mereke belgili bir top tulǵalarynyń saldarynan ajyrata túsýde. «Jaýjúrek polki» sherýine qatysty aıtarym, jeke ózimniń ustanymym mynadaı -  men ony qoldaımyn, bul sherý adamdardyń maıdanda qaza tapqan nemese Ekinshi dúnıejúzilik soǵys ýaqytynda qyzmet etken ata-babalaryn eske alýy. Bul jan qalaýy, biz ony qoldaýǵa tıispiz», - dedi mınıstr.

Sonymen qatar mınıstr Georgıev jáne kók tústi lentalarǵa qatysty saýalǵa da tuşymdy jaýap berdi.

«Bul jerde barlyǵy da meılinshe qarapaıym. Biz ne isteý kerektigin nusqamaýymyz kerek. Adamdar ony estelik retinde taǵýy qajet. Basqa másele, kók tústi lentanyń qazirgi qazaqstandyqtardyń janyna jaqyndyǵy. Sebebi onyń el táýelsizdigine tikeleı qatysy bar», - dedi Abaev.

Onyń paıymynsha, bul dástúr sabaqtastyǵyn buzbaıdy.

«Georgıev lentasy 2000 jyldardyń basynda ǵana soǵys nysany bola bastady. Ol 1941-1945 jyldary nyshan bolǵan emes. Endeshe bul protsesti saıasılandyrmaıyq-ta. Eń bastysy, bul bizdiń ata-babalarymyzǵa qarym-qatynasymyz, olarǵa degen qurmetimiz ben máńgi saqtalýy tıisti mahabbatymyz. Biz oryn alǵan sol bir tragedııany, shekken shyǵynymyzdy, ata-babalarymyz aldyndaǵy Qazaqstan azamattarynyń paryzyn esten shyǵarmaýyz qajet», - dedi mınıstr.