Dáýren Abaev Qazaqstanda revaktsınatsııa protsesiniń basty qaǵıdattaryn atap berdi
«Memleket basshysy jaǵdaıdy baqylaýynda ustap otyr. Revaktsınatsııa — kún tártibindegi mańyzdy suraqtardyń biri. Ony bastaý ýaqyttyń enshisine tıesili boldy. Aıǵaq retinde elden buryn bastaǵan Izraıldiń revaktsınatsııalaý tájirıbesin alsaq. Aıtpaqshy, statıstıkaǵa súıensek, ol elde qaıta vaktsına alǵandar ishinde koronavırýsqa shaldyqqandar aýrýdy 20 esege deıin jeńil ótkergen. Osy oraıda Densaýlyq mınıstrliginiń aldynda halyqaralyq tájirıbe men DDU-nyń usynymyna súıene otyryp revaktsınatsııalaýdyń naqty algorıtmin jasaý mindeti tur. Eń basty suraq adam ımmýnynyń qaıta qalyptasý merzimin anyqtaý. Ekinshi másele qandaı vaktsına egiledi. Jáne úshinshi másele «Ashyq» júıesi qalaı jumys isteıtin bolady. ıAǵnı «jasyl» mártebesi qaıta qarala ma degen sekildi», - dedi Dáýren Abaev «Habar» telearnasynda ótken «Ashyq dıalog» 2.0 (Otkrytyı dıalog 2.0) suhbatynyń kezekti sanynda.
Buǵan deıin QR Prezıdenti Ákimshiligi Basshysynyń birinshi orynbasary Dáýren Abaev elimizdegi monoqalalardyń taǵdyryna qatysty óz pikirin bildirgen edi.
