Dáýletkeldi Jańbyrbaı alǵashqy aınalymda súrindi
PARIJ. KAZINFORM — Búgin sadaq atýdan Qazaqstan quramasynyń múshesi Dáýletkeldi Jańbyrbaı Parıj Olımpıadasynyń 1/32 fınalynda jekeleı synda baq synady.
Ókinishke qaraı, otandasymyz sadaq atýdan jekeleı synnyń irikteýinde Horhe Enrıkesten (Kolýmbııa) 7:3 esebimen utylyp, Olımpıada oıyndaryn aıaqtady.
Osyǵan deıin taǵy bir qazaqstandyq sadaqshy Ilfat Abdýllın Olımpıadanyń alǵashqy kezeńinde kanadalyq Erık Pıtersten 4:6 esebimen jeńilip qalǵan bolatyn.
Esterińizge sala keteıik, búgin, ıaǵnı 1 tamyzda Parıj Olımpıadacynda qazaqstandyq sportshylar sporttyń 4 túrinen – sadaq atý, nysana kózdeý, dzıýdo jáne bokstan synǵa túsip jatyr.
Olımpıadanyń tórtinshi jarys kúninen keıin Qazaqstan quramasynyń qorjynynda 1 altyn, 2 qola júlde bar.
Medaldar kestesinde 16-orynǵa jaıǵasty.
