Daryndy oqýshylar ýnıversıtet zerthanalaryn tegin paıdalanady
ASTANA. KAZINFORM — Daryndy oqýshylar memlekettik ýnıversıtetterdiń zerthanalaryn tegin paıdalanatyn bolady. Bul týraly Májilistiń jalpy otyrysynda «QR-nyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly» zań jobasyn tanystyrǵan depýtat Ashat Aımaǵambetov aıtty.
— Respýblıkalyq nemese halyqaralyq pándik olımpıadalar men ǵylymı jobalar saıystaryna qatysatyn daryndy balalar úshin búginde ǵylymı uıymdardyń, tipti ýnıversıtetterdiń de zerthanalary tolyq qoljetimdi emes. Shaǵymdar kóp. Endi osy zańmen mınıstrlik bekitken tártipke sáıkes, daryndy balalar, ıaǵnı pán olımpıadalary boıynsha ulttyq quramalar úshin memlekettik ýnıversıtetterdiń zerthanalaryn tegin paıdalaný quqyǵy beriledi. Bul negizinen daryndy balalar úshin óte úlken qoldaý bolady, — dedi Ashat Aımaǵambetov.
Aıta keteıik, ǵalymdarǵa elimizdegi kez kelgen zerthana qoljetimdi bolady.
Ol úshin atalǵan zań jobasy aıasynda zerthanalardy basqa da ǵalymdarǵa qoljetimdi etý maqsatynda «arnaıy ujymdyq paıdalaný zerthanalary» degen uǵym jáne tıisti tetik engiziledi.