Dárigerler týberkýlezden saqtaný joldaryn eskertti

ASTANA. QazAqparat - Týberkýlez - qaýipti ınfektsııalyq aýrý. Ol ártúrli aǵzalarǵa (ókpe, búırek, ishek, súıekter men býyndar, mı qabyqtary) áser etedi, dep habarlaıdy QazAqparat Densaýlyq saqtaý mınıstrligine silteme jasap.

Adam týberkýlezdi juqtyrýy múmkin:

– týberkýlezben aýyratyn adammen sóılesken ýaqytta jótelgen kezde (eń qaýipti faktor - naýqastyń qaqyryǵy, qolaısyz áleýmettik jaǵdaılarda ımmýnıtettiń tómendeýi, durys tamaqtanbaý, stress, alkogolızm, temeki shegý, nashaqorlyq),túshkirý, áńgimelesý kezinde (teri, shyryshty qabyq, joǵarǵy tynys joldary arqyly), sondaı-aq ananyń qursaǵyndaǵy uryqtyń juqtyrýy;

- aýrý janýarlardyń sút ónimderin jegen kezde.

Týberkýlez aýrýynyń belgileri:

jalpy álsizdik, tez sharshaǵyshtyq, uzaqqa sozylǵan jótel jáne dene temperatýrasynyń 37 jáne 37,5ᵒS deıin kóterilýi, túnde terleý, az júkteme kezinde entigý, qan túkirý.

Negizgi eskertý sharalary:

Jyl saıyn dárigerge barý, flıýrografııadan ótý, balalardy BTsJ vaktsınatsııalaý, deneni qataıtý, sportpen shuǵyldaný, durys kalorııaly, baıytylǵan tamaqtaný, eńbek pen demalystyń utymdy rejımi, jaman ádetterden bas tartý, gıgıena erejelerin saqtaý.