Dárigerler kólik qaqqan astanalyq qyzdyń jaǵdaıy týraly aıtty
ASTANA. QazAqparat -Dárigerler Astanada jaıaý júrginshiler jolaǵynda kólik qaǵyp ketken qyzdyń jaǵdaıyn aıtyp berdi, dep habarlaıdy QazAqparat.
«Zardap shekken qyzdyń mıy shaıqalǵan. Naýqastyń jaǵdaıy turaqty. Onyń ómirine qaýip tónetindeı jaraqattary joq», - delingen Astana qalasy qoǵamdyq densaýlyq saqtaý basqarmasynyń málimetinde.
Budan buryn habarlanǵandaı, elordadaǵy qalalyq sot mańyndaǵy jaıaý júrginshiler jolaǵynan ótpek bolǵan qyzdy avtokólik qaǵyp ketti.
«Opel» markaly avtokóliginiń júrgizýshisi Uly Dala kóshesi jaǵynan shyǵyp, Saýran kóshesi boıymen Buqar jyraý kóshesine qaraı júrip kele jatyp, jaıaý júrginshini qaǵyp ótti. Belgili bolǵandaı, zardap shekken adam joldy belgilengen jolaq boıynsha ótpek bolǵan. 25 shildede Saýran kóshesindegi jol-kólik oqıǵasy faktisi turǵysynda polıtseıler jaýap alý sharalaryn júrgizip jatyr», - delingen Astana ІІD baspasóz qyzmetiniń málimetinde.
