Dári-dármekpen qamtamasyz etý sharalary talqylandy
Barshamyzǵa málim, «Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasynda halyq úshin dárilik zattardyń qoljetimdiligi men sapasyn arttyrýdy Memleket basshysy tapsyrǵan bolatyn. Sonyń nátıjesinde 2012 jyldan bastap ambýlato¬rııalyq dári-dármekpen qamtamasyz etýdi jetil¬dirý boıynsha negizgi is-sharalardy iske asyrý bastaldy. Bıyl da bul másele nazardan tys qalǵan joq.
Ústimizdegi jyldyń 3 aqpanynda Úkimettiń keńeıtilgen otyrysynda jáne 4 qyrkúıekte Parlament palatasynyń birlesken otyrysynda dárilik zattarmen jáne medıtsınalyq texnıkamen qamtamasyz etý barysyna qatysty máseleler kóterilgen bolatyn. Sondaı-aq, ózektiligin joımaǵan otandyq farmatsevtıkalyq naryqty damytýda týyndaǵan kedergilerge taldaý júrgizý qajettiligine de biraz kóńil bólindi. Osy baǵytta Densaýlyq saqtaý mınıstrligi dárilik zattardy paıdalaný salasyn qalyptastyrý boıynsha ártúrli jumystar atqardy.
Bul týraly Densaýlyq saqtaý mınıstrligi Farmatsııa komıtetiniń tóraıymy Lıýdmıla Bıýrabekova málim etti.
Tóraıymnyń sózine súıinsek, dárilik zattardy qamtamasyz etý jáne paıdalaný aıasynda júzege asyryp otyrǵan sharalardy tórt negizgi baǵytqa bólýge bolady:
1. Ekonomıkalyq qoljetimdilikti qamtamasyz etý. ıAǵnı, tegin medıtsınalyq kómektiń kepildi kólemi men bólshek naryǵyndaǵy baǵany retteýdi engizý. Sonyń aıasynda memleket tarapynan satyp alynǵan dárilik zattardyń baǵasyn retteý úshin qoldanystaǵy júıeni damytý, jaqsartý.
2. Memleket satyp alatyn dárilik zattardyń tizimin qalyptastyrýda ashyqtyqty qamtamasyz etý. Bul oraıda medıtsınalyq texnologııany baǵalaýdyń xalyqaralyq mexanızmderin engizý. Osy arqyly memleket tarapynan satyp alynatyn dárilik zattardyń tizimin qalyptastyrý.
3. Medıtsınalyq texnıkany jáne dárilik zattardy satyp alýdyń ashyq rásimin qamtamasyz etý. ıAǵnı, ambýlatorlyq deńgeıde tegin dárilik zattardy qamtamasyz etýdi ortalyqtandyrý jáne elektrondy satyp alýǵa tolyqtaı kóshý arqyly júzege aspaq.
4. Medıtsınalyq ónimder men dárilik zattardy tirkeý rásimin jeńildetý. Bul úshin ákimshilik kedergilerdi azaıtý kerek
Ádette, jyl sońyna qaraı qajetti preparattar bárine jetpeı qalyp jatady. Biraq, aıta ketý kerek, bıyl ekonomıkalyq tıimdi dári-dármekterdiń esebinen tegin ambýlatorlyq qamsyzdandyrý úshin dárilerdiń tizimi qaıta qaralǵan bolatyn. Sonyń nátıjesinde, atalǵan tizim keńeıtildi. Máseleń, juqpaly S gepatıtin emdeý úshin qymbat jáne tıimdiligi tómen pegılırovtik (60%) ınterferondy terapııasy anaǵurlym tıimdi (98%) tizbesine aýystyryldy. Atalǵan shara, birinshiden bıýdjetke salmaq túsirmeıdi, ekinshiden, dertten aıyǵýshylardyń sanyn 500-den 8000-ǵa deıin arttyra alady.
Esterińizge sala keteıik, elimizdegi dárilik zattardy qamtamasyz etý salasyndaǵy barlyq reformalar Qazaqstan Respýblıkasynyń densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasyn júzege asyrý sheńberinde qurylǵan.
Búginde QR Densaýlyq saqtaý mınıstrligi tarapynan dári-dármekterdiń qymbattaýyna qarsy kúres sharalary turaqty túrde júrgizilýde.