Dári-dármek jáne medıtsınalyq buıymdardyń qory qurylady
«Halyqty dári-dármekpen qamtamasyz etýdegi irkilisterdiń aldyn alý maqsatynda biryńǵaı dıstrıbıýtordyń óz qarajaty esebinen kepildendirilgen tegin medıtsınalyq kómek jáne mindetti áleýmettik medıtsınalyq saqtandyrý júıesi aıasynda beriletin dári-dármek pen medıtsınalyq buıymdardyń qoryn qurý josparlanyp jatyr. Bul óz kezeginde – dári-dármekpen úzdiksiz qamtamasyz etýge, táýekelderdiń aldyn alýǵa, tótenshe jaǵdaıda jedel áreket etýge múmkindik beredi», - dedi SK Farmatsııa JShS baspasóz hatshysy Áıgerim Smaılova biryńǵaı dıstrıbıýtordyń ústeme baǵany kóterý jobasyn talqylaý barysynda.
Aıta keteıik, búgin Astanada kepildendirilgen tegin medıtsınalyq kómek jáne mindetti áleýmettik medıtsınalyq saqtandyrý júıeleriniń sheńberinde dárilik zattar men medıtsınalyq buıymdarǵa arnaıy quqyq sýbektisi retinde biryńǵaı dıstrıbıýtordyń ústeme baǵany kóterý jobasyn talqylaý boıynsha ashyq tyńdaý ótti.
