Darhan Myńbaı: Birligi jarasqan kópultty eldi daý da, jaý da ala almaıtynyn dáleldedik
Forýmǵa QHR, Reseı, Ózbekstan, Qyrǵyzstan, Belarýs elderinen kelgen sarapshylar, sonymen birge, halyqaralyq qatynastar salasyndaǵy otandyq sarapshylar qatysýda. Jıynda azamattyq biregeılikti qalyptastyrý tájirıbesin mádenı-fılosofııalyq turǵyda túsiný, Elbasynyń qoǵamdyq kelisim men jalpyulttyq birliktiń qazaqstandyq modeliniń ornyn jáne onyń qazirgi ýaqytta ulǵaıyp kele jatqan syn-qaterler jaǵdaıyndaǵy rólin, QHA ınstıtýtynyń qoǵamdyq sanany jańǵyrtýdaǵy rólin ashyq kórsetý máseleleri talqylanyp jatyr. 
««Birligi bekem el ozady» degen naqyldy ustanǵan táýelsiz memleketimiz ekonomıkalyq jáne saıası turǵydan tabysty saıasat júrgize kele, rýhanı jańǵyrýǵa qadam basty. Kúni keshe ǵana jer jahandy dúbirletip, «EKSPO-2017» halyqaralyq kórmesin abyroımen ótkizdik. Shynymen de, shara óte tabysty ótti. Oǵan Elbasynyń da, eldiń de bergen baǵasy óte joǵary. Búgingi jıynymyz sonyń jalǵasy ispetti. Elbasy óz sózinde «Táýelsizdiktiń eń basty tiregi - beıbitshilik pen kelisim, tynyshtyq pen turaqtylyq ekenin, osynyń arqasynda biz 25 jyldyń ishinde memleket quryp, halyqtyń ál-aýqatyn joǵarylatqanymyzdy, al Assambleıa osy qasıetti tiregimizdiń myzǵymas tuǵyry» dep atap ótken bolatyn. Rasynda da, biz egemen el retindegi ómir súrgen jyldarda tórtkúl dúnıege birligi jarasqan kópetnosty eldi daýdyń da, jaýdyń da ala almaıtynyn dálelder berdik», - deıdi Qazaqstan halqy Assambleıasy tóraǵasynyń orynbasary Darhan Myńbaı.
Forým barysynda kórshiles elderdiń sarapshylary elderdiń áriptestigi, sananyń ashyqtyǵy men ulttyq biregeıliktiń tıimdi túıindesýi, ulttyq biregeılikti taldaý máseleleri talqylanbaq. Forým jumysynyń qorytyndysy boıynsha Qazaqstanda da, álemde de mádenı ártúrlilik pen mádenıetaralyq dıalogty saqtaý jáne keńeıtý boıynsha tájirıbelik usynystar tujyrymdalatyn bolady.
