Dári-dármek naryǵy ımportqa qanshalyqty táýeldi
ASTANA. KAZINFORM – Qazaqstandaǵy dári-dármek pen medıtsınalyq qural-jabdyqtyń neshe paıyzy otandyq ónim? Bul suraqqa QR Densaýlyq saqtaý mınıstrliginiń Medıtsınalyq jáne farmatsevtıkalyq baqylaý komıteti jaýap berdi.
- Otandyq óndiristiń kólemi men assortımenti (dáriler túri, arnaıy sýbstantsııalar) áli de shekteýli. Óndiriske qajet shıkizat jáne farmatsevtıkalyq sýbstantsııalar kóbinese ımporttyq. Qazir Qazaqstan dárilik zattar naryǵynda ımportqa táýeldi, ıaǵnı jalpy suranystyń basym bóligi shetelden keledi, delingen vedomstvonyń Kazinform agenttigine bergen jaýabynda.
Komıtet aqparatyna qaraǵanda, otandyq óndiris sońǵy jyldary ósip, ınvestıtsııalar, memlekettik qoldaý, kelisimsharttar naqty nátıje bergenimen, onyń úlesi 20–25 paıyzdan aspady.
- Sondyqtan óndiristi keńeıtý, ǵylymı bazany damytý, shıkizat táýelsizdigin qamtamasyz etý, taǵy basqa keshendi sharalar júzege asyp jatyr, - dep atalyp ótken vedomstvo aqparatynda.
Buǵan deıin 2025 jyly elde qansha zańsyz dári-dármek anyqtalǵanyn jazǵan edik.
Atap aıtqanda, elde otandyq dári-dármek úlesin 50 paıyzǵa jetkizý úshin 7 joba qarastyrylyp jatyr.
2024 jyly bul kórsetkish 15 paıyz bolǵan.