Danııar Eleýsinov eki jyl úzilisten soń rıngke oralady

Búgin Astanada Halyqaralyq boks qaýymdastyǵy (IBA) uıymdastyrǵan «Chempıondar túni» boks keshi ótedi. Kazinform bul týraly Sports.kz resýrsyna silteme jasap habarlaıdy.

«Qazsport» telearnasyndaǵy tikeleı translıatsııa astana ýaqytymen 19:00–de bastalady.

Osy shoý aıasynda qazaqstandyq boksshy Danııar Eleýsinov (11-0, 6 KO) rıngke oralady.

Ol OAR ókili Djabýlanı Makhensemen (14-2, 7KO) judyryqtasady.

Sondaı-aq boks keshine Qazaqstan boksshylary Bekzat Nurdáýletov, Aslanbek Shymbergenov, Dýlat Bekbaýov, Serik Temirjanov, Mahmud Sabyrhan, Sanjar Táshkenbaı, Erasyl Jaqpekov te qatysady.

Danııar Eleýsinov 2021 jyldyń jeltoqsanynan beri rıngke shyqqan joq.

Sol jyly ol tóreshilerdiń biraýyzdan qabyldaǵan sheshimimen argentınalyq boksshy Hýan

Ernan Lealden (15-3, 4 KO) basym túsip, IBO nusqasy boıynsha jartylaı orta salmaqtaǵy álem chempıony belbeýin ıelengen bolatyn.