Danııa Espaevanyń shtaby baıdarkada esýden Oraldyń ashyq birinshiligin ótkizdi

ORAL. QazAqparat - «Aq jol» partııasynan QR Prezıdenttigine úmitker Danııa Espaevanyń shtaby Halyqaralyq balalardy qorǵaý kúnine oraı baıdarka jáne kanoeda eskek esýden Oral ashyq birinshiligin ótkizdi, dep habarlaıdy «QazAqparat» HAA.

Týrnırge Qazaqstannyń ár qalalary: Túrkistan, Almaty, Shymkent, Temirtaý, Atyraý jáne Oral qalalarynan kelgen 120-dan astam adam qatysty. Barlyq qatysýshylar joǵary nátıje kórsetip, dıplom jáne medaldarmen marapattaldy.

Aıta keteıik, 11 mamyrda Qazaqstanda prezıdenttikke kandıdattardyń saılaý aldyndaǵy úgiti bastaldy. QR Ortalyq saılaý komıssııasy Qazaqstan Prezıdenttigine úmitker 7 kandıdatty tirkedi.

27 mamyrda QR Prezıdenttigine úmitker Jambyl Ahmetbekovtiń senimdi ókilderi Taraz qalasynyń belsendi jastarymen jáne «Taraz qalasy Qazaqstan Kommýnıstik jastar odaǵynyń» ókilderimen kezdesti.

Prezıdenttikke úmitker Danııa Espaeva men saılaýaldy shtab jetekshisi Azat Perýashev Nur-Sultan qalasyndaǵy gýmanıtarlyq-zań kolledjinde jas saılaýshylarmen kezdesti. Oqytýshylar men stýdentter úmitkerdiń saılaýaldy baǵdarlamasymen tanysty.

Ámirjan Qosanov shtabynyń belsendileri tórt óńirde kezdesýler ótkizdi.

Sádibek Týgeldiń belsendileri óner jáne qolónerden master-klass uıymdastyrdy. Tóleýtaı Rahymbekovtiń qoǵamdyq shtaby 300-ge jýyq is-shara ótkizdi.

28 mamyrda Qasym-Jomart Toqaevtyń respýblıkalyq qoǵamdyq shtaby Túrkistan oblysynda boldy.