«Damý» qorynyń qoldaýymen 9 jylda 27 trln teńgeniń ónimi shyǵarylǵan
«Damý» kásipkerlik damytý qorynyń basqarma tóraǵasy Gaýhar Bóribaeva Úkimet otyrysynda osyndaı málimet aıtty.
«Kásipkerlikti qoldaýǵa arnalǵan memlekettik baǵdarlamalarǵa qatysýshylar 2010-2019 jyldary 27 trln teńgege ónim shyǵaryp, 600 myń jumys ornyn saqtady. Onyń 170 myńy jańadan ashylǵan. Áleýmettik-ekonomıkalyq áserdiń jyldyq kórsetkishteri 30 paıyzǵa óskenin atap ótý kerek», dedi «Damý» qorynyń basshysy.
Gaýhar Bóribaeva byltyrdan beri «Damý» qory Eýropalyq ınvestıtsııalyq bankpen tyǵyz jumys istep jatqanyn aıtady. Osynyń arqasynda 200 mln eýro kóleminde lımıttik kelisim jasalǵan.
«Jasyl oblıgatsııalar» shyǵarý arqyly 200 mln teńge kóleminde qarajat tartyldy. Shaǵyn jáne orta bıznesti ıslamdyq qarjylandyrý baǵdarlamasy iske qosyldy. BUU-nyń damý baǵdarlamasymen jańaratyn energııa kózderine qatysty shaǵyn jobalarǵa salynatyn ınvestıtsııalyq táýekelderdi tómendetý baǵdarlamasyn iske qosý boıynsha kelisimge qol qoıyldy. Bıyl jyl sońyna deıin «Lızıng kompanııalardyń kómegimen kepildik berý quralynyń qamtylýyn keńeıtý, «Bıznestegi áıelder» baǵdarlamasyn damytý, taldaý qyzmetin kúsheıtý, shaǵyn jáne orta bıznes salasynda quzyrettilik ortalyǵyn qurý sharalary josparlanyp otyr. Osy atalǵan sharalar 2021 jyly qoldaý tapqan jobalardyń sanyn 15 paıyzǵa arttyrýǵa, 10 myń jańa jumys ornyn qurýǵa jáne 5,5 trln teńgeniń ónimin shyǵarý jol ashady», - dedi qordyń basqarma tóraıymy.
