«Damý» qory transformatsııalanady

ASTANA. KAZINFORM — «Damý» kásipkerlikti damytý qory» kepildik qoryna transformatsııalanady. Bul týraly «Jibek Joly» telearnasynyń «Ýáde» baǵdarlamasynda qonaq bolǵan atalǵan qordyń basqarma tóraǵasy Gaýhar Bóribaeva aıtty.

 — Aldymyzda turǵan mańyzdy mindetterdiń biri — bul kepildik qoryna transformatsııalaný. Biz úshinshi toqsanda atalǵan quraldy iske qosýdy josparlap otyrmyz. Ózderińizder de bilesizder, bıznestiń bir bóligi kepildik qamtamasyz etý jetispeıtindigi jaıly aıtady. Jáne de ol ádette kredıttik resýrstardyń qoljetimdiligine yqpal etedi. Tájirıbesi men quzireti, onyń ústine jolǵa qoıylǵan ınfraqurylymy, aqpparattyq júıesi bar «Damý» qory bul mindetti tolyqqandy ulǵaıta túsýge daıyn, — dedi ol.

Onyń atap ótýinshe, bul jumysqa tek bıýdjet qarajaty qana tartylmaıdy, sonymen birge ekinshi deńgeıli bankter de tartylady. ıAǵnı, qarajattyń 50 paıyz bıýdjetten, al 50 paıyzy bankterden bolady.

 — Biz koreılik kepildik qory modelimen júremiz. Olarda búginde kepildik quraldaryn damytýdaǵy qarjylyq ınstıtýttardyń qatysý úlesi 83 paıyzdy quraıdy. Qazirgi ýaqytta bizde shaǵyn jáne orta bıznes úshin kepildik tolyǵymen memlekettik, tegin. Shyndyǵynda da bıýdjet múmkindigi mol emes. Biraq, naryqtyń qajettiligi úlken. Soǵan oraı álemde jumys istep turǵan kez kelgen ádis pen tájirıbeni qoldanýǵa tıispiz, — dedi Gaýhar Bóribaeva.

Buǵan deıin Damý qory kepildik berý talaptaryn jeńildetetini týraly habarladyq.