Daǵystan men Sheshenstanda Telegram buǵattaldy

ASTANA. KAZINFORM – Daǵystan Respýblıkasynyń Tsıfrlyq damý mınıstri ıÝrıı Gamzatov messendjerdi teris pıǵyldy adamdar jıi qoldanatynyn basa aıtty. Buǵan Mahachkala áýejaıyndaǵy tártipsizdikterdi mysal etip kórsetti, dep habarlaıdy TASS aqparat agenttigi.

әлеуметтік желі
Фото: Pixabay

Daǵystan Respýblıkasynyń Tsıfrlyq damý mınıstri ıÝrıı Gamzatovtyń jýrnalısterge aıtýynsha, Telegram messendjeri quqyq qorǵaý organdarynyń suraýy boıynsha Daǵystan men Sheshenstanda (Soltústik Kavkaz federaldy okrýgi) buǵattalǵan.

— Telegram-dy Soltústik Kavkaz federaldy okrýginiń eki aımaǵynda — Sheshenstan men Daǵystanda buǵattaý týraly sheshim federaldyq deńgeıde quqyq qorǵaý organdarynyń usynysy negizinde qabyldandy. Ony teris pıǵyldy adamdar jıi qoldanady, sonyń bir mysaly retinde Mahachkala áýejaıyndaǵy tártipsizdikterdi keltirýge bolady. Bolashaqta Telegram qaıta qosylýy múmkin, - dedi ol. 

2024 jyldan beri Soltústik Kavkazdyń birqatar aımaǵynda Telegram messendjeriniń jumysynda aqaýlar baıqalǵan. Gamzatov tanymal messendjerdiń analogtaryn paıdalanýdy usyndy.

— Ázirge jaqsy analogtar bar, mysaly «VK», - dedi mınıstr.

2023 jyldyń qazan aıynda Taıaý Shyǵystaǵy jaǵdaı shıelenisken sátte Tel-Avıvten reıster kelgende Mahachkala áýejaıynda jappaı tártipsizdikter boldy. Tártipsizdikke qatysýshylar «Uıtash» halyqaralyq áýejaıynda quny 24 mıllıon rýblden asatyn múlikti qıratyp, búldirgen. 30 memlekettik qyzmetkerge qatysty zańsyz áreketter jasalyp, onyń 23-i ártúrli dárejedegi dene jaraqattaryn alǵan.

Aıta keteıik, 2024 jyldyń sońynda elimizdiń iri qalalarynda QirSabyn telegram-arnasyna aqparat jarııalaımyn dep qorqytyp, aqsha bopsalaýshylar ustalǵan edi.

Shymkentte esirtki jarnamalaıtyn 18 telegram kanal buǵattaldy. 

Сейчас читают