Daǵdarystyq jaǵdaıdan shyǵý úshin barlyq baǵyttaǵy is-sharalardy shoǵyrlandyrý kerek - Álemdik saıasat jáne ekonomıka ınstıtýty dırektorynyń orynbasary

trong>. Naýryzdyń 31-i. QazAqparat /Erlik Erjanuly/ - Daǵdarystan eshkim jeke dara shyǵa almaıdy. Bul búgin Almatyda ótip jatqan «Daǵdarystan keıingi damý: jańa onjyldyqtaǵy jańa múmkindikter» dep atalatyn dóńgelek ústel jıynynda aıtyldy,

dep habarlaıdy QazAqparat.

Ony QR Tuńǵysh Prezıdenti qory janyndaǵy Álemdik saıasat jáne ekonomıka ınstıtýty uıymdastyrdy. Onda ekonomıkany ártaraptandyrý, ındýstrııaldyq-ınnovatsııalyq damý, zeınetaqy jınaqtaýshy júıesi, bilim berý men densaýlyq saqtaý salalaryndaǵy negizgi mindetter, quqyq qorǵaý júıesin reformalaý jáne qaýipsizdiktiń ózekti máseleleri qarastyrylýda. Álemdik saıasat jáne ekonomıka ınstıýty dırektorynyń orynbasary Qarlyǵash Janǵabaevanyń aıtýynsha, daǵdarystyq jaǵdaıdan eshkim jekelep shyǵa almaıdy. Sondyqtan ekonomıkany ártaraptandyrý, qarjylyq naryqty damytý, jumyspen qamtý sııaqty barlyq baǵyttaǵy is-sharalardy shoǵyrlandyrý qajet.

Aqpannyń 1-inde Qazaqstannyń 2020 jylǵa deıingi damýynyń strategııalyq jospary, al 23-inde 2010-2014 jyldarǵa arnalǵan ındýstrııalyq-ınnovatsııalyq údemeli damý baǵdarlamasy bekitildi. Álemdik ekonomıka ortalyǵynyń ǵylymı hatshy-jetekshisi Oleg Rahmatýlınniń paıymdaýynsha, barlyq baǵdarlamada árdaıym maqsatty kórsetkishter bolý kerek. Máselen, 2008 jylmen salystyrǵanda 2014 jyly JІÓ 50 paıyzǵa ósip, eńbek ónimdiligi metallýrgııalyq ónerkásipte - 2 ese, hımııalyq ónerkásipte -3 ese, agroónerkásiptik keshende - 2 ese ulǵaımaq. Al ınnovatsııalyq belsendi kásiporyndar 10 paıyzǵa artyp, jalpy ishki ónimdegi energosyıymdylyq 10 paıyzǵa tómendetilmek. Sondaı-aq shıkizattyq emes eksporttyń úlesi 40 paıyzǵa artýy tıis. Qazir ol 5-10 paıyzdyń aralyǵynda.

«Bekitilgen bul baǵdarlamalardaǵy jobalardy júzege asyrýda negizgi bastamashy jergilikti atqarýshy organdar bolý kerek. Olardyń qyzmetin baǵalaýda jańa ólshemder engizilýi tıis. Indýstrııalyq-ınovatsııalyq damý baǵdarlamasyndaǵy 162 jobada ınvestıtsıanyń jalpy kólemi 6,5 trıllıon teńgeni quraıdy. Bul jalpy ishki ónimniń 40 paıyzy. Indýstrııalandyrý kartasy respýblıkalyq jáne jergilikti deńgeıge bólingen. Respýblıkalyq deńgeıde 6 trıllıon teńgeniń 167 jobasy, jergilikti deńgeıde 123 mıllıard teńgeniń 150 jobasy maquldandy. Ony baǵalaýdaǵy ólshem jańa jumys ornyn ashý», deıdi Oleg Hamatýlın.