Daǵdarysqa qaramastan «Nurly kósh» baǵdarlamasy jalǵasa beretin bolady - Elbasy
dep habarlaıdy QazAqparat.
Tikeleı jeli barysynda shetelden kelgen oralman Qasym Atabaev «Nurly kósh» baǵdarlamasy boıynsha Shymkent qalasynda Asar móltek aýdany boı kótergenin, onyń janynda jylyjaı da salynǵanyn atap ótti. «Bizge munan artyq jaǵdaıdy eshkim jasap bergen joq. Sondyqtan bizge, Sizden basqa Memleket basshysynyń keregi joq», degen oralman shetelde qalǵan qandastardyń da Elbasyna kóp úmit artatynyn aıtty. Osy rette Q. Atabaev «Nurly kósh» baǵdarlamasy ary qaraı jalǵasa ma?» degen saýal qoıǵan edi.
«Biz álemniń túkpir-túkpirine tarydaı shashyraǵan qandastarymyzdy jınaý úshin Táýelsizdik jyldarynan beri kóp áreket jasap jatyrmyz. Sonyń nátıjesinde 1 mln.-nan astam otandastyrymyz elimizge oralyp, qaýyshyp, qýanyp jatyr. Ár ýaqytta men otandastarymyzǵa sol oralmandarǵa qamqor bolý kerektigin, qol ushyn berý qajettigin basa aıtyp kelemin. Osy maqsatta «Nurly kósh» baǵdarlamasyn 2011 jylǵa deıin bekittik. Bul baǵdarlama óziniń jalǵasyn tabatyn bolady», dedi N. Nazarbaev.
Elbasy Ońtústik Qazaqstan oblysyndaǵy Asar aýylynda bolǵanyn, ondaǵy jaǵdaımen tolyq tanysqandyǵyn atap ótti. Sonymen birge, N. Nazarbaev ońtústiktegi Asar aýyly, Almatynyń túbindegi Baıbesik aýyly jáne Soltústik Qazaqstandaǵy jańadan qurylyp jatqan oralmandar aýylyna toqtala kele, ondaı nysandardyń durys damıtyndyǵyna senim bildirip, osy sekildi eldi-mekenderdiń Qazaqstanda áli de boı kóteretin atap ótti.
«Respýblıkadaǵy 14 oblys ortalyǵy oralmandarǵa kómektesýge tıisti sharalardy qabyldap jatyr. Sondyqtan da, shetelden óz betimen kelem deýshilerge de esik ashyq. Eń bastysy, Otanyna oralý barysyndaǵy alǵashqy kezekte oryn alatyn qıynshylyqtarǵa shydaý kerek. Qazaqstan da qıynshylyqtardy bastan ótkerip kele jatqan jas memleket. Biraq daǵdarysqa qaramastan biz «Nurly kósh» baǵdarlamasyn odan ári jalǵastyratyn bolamyz. Qandastarymyzǵa qol ushyn berip, kómektesetin, olardy shaqyra beretin bolamyz. Bul bizge qajet», dedi Elbasy.