D10 WORLD: Elordada Denıs Tenge arnalǵan kórme ótedi
MEGA Silk Way saýda oıyn-saýyq ortalyǵynyń ekinshi qabatynda jalpy aýdany 400 sharshy metrden asatyn aýmaqta avtorlyq fotojumystar, Denıstiń mýzykasy jáne Olımpıada chempıonyna tıesili zattar boıynsha jasalǵan muzdy álem dúnıege keldi. Sonymen qatar, kórmede sportshyny ataýly is-sharalarda túsirgen túrli avtorlyq sýretter jáne áriptesteri men dostarynyń beıne jobasy usynylǵan.
Kórme «Denıs Ten Qorynyń» bastamasy boıynsha uıymdastyrylyp otyr. Qordy sportshynyń jaqyndary men týystary qurǵan. Qordyń maqsaty - Denıs Ten atyndaǵy sporttyq-bilim berý baǵdarlamasyn uıymdastyra jáne damyta otyryp, Qazaqstandaǵy mánerlep syrǵanaý óneriniń, ásirese balalar men jastar arasynda damýyna súbeli úles qosý.
Qor Denıstiń jeke jobalaryn jalǵastyryp, mánerlep syrǵanaý akademııasyn ashýdy kózdep otyr. Odan bólek, Denıs jazǵan stsenarıı boıynsha fılm túsirip, Denıstiń ánderimen mýzykalyq albom shyǵarmaq. Sondaı-aq qor bastamasymen Denıs Tenniń áńgimeleri men óleńderiniń jınaǵy basylyp shyǵady.
«Jalpy alǵanda, atalmysh qor qazaqstandyq mánerlep syrǵanaýshynyń shyǵarmashylyǵyna arnalǵan jobalardy saqtap, damytýdy maqsat etedi. Onyń jumysy daryndy jastardy qoldaýǵa, mádenıet, bilim berý, sport jáne áleýmettik jobalardy damytýǵa baǵyttalady» delingen habarlamada.
Kórme 10 qarasha kúni Qabanbaı batyr dańǵylynda ornalasqan MEGA Silk Way saýda oıyn-saýyq ortalyǵynda ashylady.
Foto: Marjan Bıtkenbaeva
