D. Qaletaev: Paralımpıada quramasyna shetel sportshylaryn tartý - ábestik
ASTANA. QazAqparat - Qazaqstan Paralımpıada quramasyna shetel sportshylaryn tartýǵa eshqashan barmaıdy. Bul týraly búgin Koreıanyń Inchhon qalasyndaǵy XI Azııalyq Para oıyndar - 2014-tiń qorytyndylaryna arnalǵan brıfıngte Ulttyq paralımpıada komıtetiniń prezıdenti Darhan Qaletaev málim etti.
«Bizdiń Ulttyq paralımpıada komıteti men quramanyń oıynsha, úlken paralımpıada sportynda ulttyq quramaǵa shetel sportshylaryn eshqashan tartpaımyz. Inchhonda ótken Para Azııa oıyndarynda keıbir ulttyq quramalar ondaıǵa barǵanyn kórdik. Bir qurama 2 shetel sportshysyn tartyp, sýda júzýden ondyqqa kirdi jáne shamamen 10 altyn medal jeńip aldy. Árıne, bizge de ondaı formatqa júginýge bolady. Biraq, bizdiń oıymyzsha, bizde óz sportshylarymyz bar jáne paralımpıada oıyndarynda bul ábestik dep sanaımyz», - dedi ol.
Eske sala keteıik, qazaqstandyq sportshylar Para Azııa oıyndarynda 7 altyn, 6 kúmis jáne 11 qola jeńip alyp, jalpy esepte 11-orynǵa ıe boldy.
