Crew Dragon ǵarysh kemesiniń astronavtary búgin túnde jerge oralady

NUR-SULTAN. QazAqparat – Álemdik ǵaryshta búgin túnde tarıhı oqıǵa bolady dep kútilýde, dep habarlaıdy QazAqparat tilshisi.

Buǵan deıin 31 mamyrda Crew Dragon ǵarysh kemesiniń ushqany týraly habarlanǵan bolatyn . Ol sońǵy toǵyz jylda AQSh-ta shyǵarylǵan jáne onyń aýmaǵynan ushyrylǵan alǵashqy ǵarysh kemesi boldy.

HǴS-ǵa kelgen amerıkalyq astronavttar Daglas Herlı men Robert Benken 31 mamyrdan beri eki aı boıy ǵarysh stantsııasynyń ekıpajdarynyń quramynda jumys istedi jáne HǴS-daǵy mıssııasyn aıaqtady.

2020 jyldyń 2 tamyzynda Máskeý ýaqytymen saǵat 02:34-te NASA astronavttary Daglas Herlı men Robert Benkenmen birge Crew Dragon (Endeavour ) kemesi HǴS-da túıisti, dep habarlaıdy Ilon Mask kompanııasynyń saıty .

Crew Dragon kemesiniń qonýy 2 tamyzda Máskeý ýaqytymen 21:41 nemese Nur-Cultan ýaqyty boıynsha 3 tamyzda 00:41-ge josparlanǵan. Florıda shtatynyń Pensakola jaǵalaýynda sýǵa qonýy múmkin. Meksıka shyǵanaǵy Pensakola jaǵalaýyna qonady dep josparlanǵan. Tikeleı translıatsııany NASA amerıkalyq ǵarysh vedomstvosynyń saıtynan, sondaı-aq SpaceX saıtynan kórýge bolady.

Astronavtardy SpaceX Go Navigator kemesi qarsy alady. Іzdeý-qutqarý kemesiniń bortyna jetkizilgennen keıin, astronavtar medıtsınalyq tekseristen ótip, tórt saǵattan keıin Florıdaǵa áýe nemese teńiz joly arqyly jetkiziledi dep kútilýde.