Creative summer: Astananyń demalys keshterinde qandaı sharalar ótedi
ASTANA. KAZINFORM – Astana kúnin merekeleý aıasynda 1 maýsym men 31 tamyz aralyǵynda ár senbi-jeksenbi saıyn «Creative summer» jazǵy jobasy ótedi. Onda apta saıyn balalarǵa arnalǵan oıyn-saýyq baǵdarlamalary, shyǵarmashylyq ujym qoıylymdary, fleshmobtar uıymdastyrylady.
Jobanyń maqsaty – birtutas mádenı murany jańǵyrtý maqsatynda barlyq jastaǵy býyndardy tartý, patrıotızmniń birtutas rýhyn qalyptastyrý jáne ulttyq mádenıettiń mańyzdylyǵyn nyǵaıtý.
Qalalyq alań, Esil ózeni jaǵalaýy, Jeruıyq, Jetisý saıabaqtarynda balalardyń oıyn-saýyq baǵdarlamalary, fleshmobtar jáne kóshe sýretshileri, shahmat, ártister men anımatorlardyń qoıylymdary uıymdastyrylady.
«Creative summer» - túrli-tústi jáne serpindi jazǵy baǵdarlama. Jobaǵa belsendi uzaq ómir súrý ortalyǵy, vokaldyq úıirmeler, estradalyq stýdııalar, zamanaýı bı baǵyttarynyń horeografııalyq akademııalary, túrli shyǵarmashylyq stýdııalar, shyǵarmashylyq JOO stýdentteri, sondaı-aq shyǵarmashylyq demalysta júrgen erkin mýzykanttar tartyldy», - dep habarlady qalalyq Mádenıet basqarmasy.
Osylaısha, senbi kúni 20 shildede Qalalyq alańda dástúrli jaz merekesi – Sabantoı ótti. Bıylǵy mereke astanalyq «Tań» tatar-bashqurt mádenı ortalyǵynyń 30 jyldyǵyna arnalǵan. Ortalyq 30 jyl boıy elordada Sabantoı meıramyn ótkizip keledi.
Sabantoı mereke retinde kóptegen túrki halyqtarynyń kúntizbesine engen. Búginde ol kóktemgi naýkannyń aıaqtalýyn ǵana emes, halyqtarymyzdyń mádenı baılyǵyn, ana tilin saqtap kalýǵa degen umtylysyn, qonakjaılylyqty bildiredi. Túrli ult jáne din ókilderiniń birigýine yqpal etedi.
Qalalyq alańǵa «Sabantoı» merekesine aıtarlyqtaı kóp halyq jınaldy. Onda tatar jáne bashqurt halyqtarynyń áýenderi shyrqaldy. Kelýshilerge qyzmet kórsetetin ulttyq taǵamdar men halyq sheberleriniń saýda pavılondary ashyldy. Halyqtyq dástúrli oıyndar men sporttyq jarystardy ótkizýge arnalǵan aımaqtar ázirlendi.
Merekede «Sabantoı arýy-2024» baıqaýy ótti, sporttyq jarystar men tatarsha kúres kórsetildi. Almaty qalasynan kelgen «Idel» horeografııalyq ansambli, «Dostyq», «ıAlkyn» ujymdary jáne Qazan qalasynan arnaıy kelgen Marat Galımov pen Chýlpan Ahmetzıanova óner kórsetti. Kelýshilerge tatar jáne bashqurt halqynyń qonaqjaılylyǵynyń basty sımvoly chak-chak taratyldy. Sondaı-aq, bul taǵam halyqtar arasyndaǵy dostyqty, birlikti, úılesimdilikti te bildiretini erekshe atalyp ótti.
Sonymen birge, 20 shildede «Creative Summer» jobasy aıasynda «Óner tolqynynda» vokaldyq festıvali ótti. Festıvalge Astana qalasy men Aqmola oblysy óner ortalyqtarynyń talantty jas ánshileri qatysty. Ásirese, «Bonýs», «Óner», «Qasıetti», Marına Beısehan ortalyqtarynyń kóptegen shákirtteri óner kórsetti.
21 shilde kúni «Jeruıyq» saıabaǵynda «Erekshe sát» anımatorlar toby oıyndar, konkýrstar, fleshmobtar, estrada juldyzdary obrazyndaǵy shoý kórsetip, kelýshilerge kóńildi otbasylyq kesh ótkizdi. Odan keıin Qýyrshaq teatry «Aldar jáne onyń dostary» ınteraktıvti qoıylymyn usyndy. Júrgizýshi Aldar kóse, Aq buqa, Aǵaıyndy baýyrsaqtar, Aıdahar, Qoraz kórermendermen birge belsendi bıledi jáne oıyndar oınady.
Sonymen birge, kelýshilerge «Tsırk Dıý Salem» qoıylymy kórsetildi. Onda da kórermendermen ınteraktıvti oıyndar, jonglerlik, fokýs, akrobatıkalyq reprız, bı fleshmoby, úıretilgen ıtter shoýy ótkizildi jáne barlyq kelýshilerge áleýmettik bı keshi uıymdastyryldy.
Aıta keteıik, «Creative summer» jazǵy jobasy 31 tamyzǵa deıin jalǵasady.
