COVID-19: Polsha Qytaıdan kelgen adamdarǵa shekteý qoımaıdy

ASTANA. QazAqparat – Polsha Qytaıdan keletinder úshin COVID-19 boıynsha arnaıy shekteý qoımaıdy. Bul týraly beısenbi kúni baspasóz máslıhatynda Polshanyń densaýlyq saqtaý mınıstri Adam Nedzelskıı málimdedi, dep habarlaıdy QazAqparat Sınhýa aqparat agenttigine silteme jasap.

«Mundaı sharalardy engizý aqtalmaǵan sııaqty», - dedi ol.

Onyń aıtýynsha, sońǵy eki aptada COVID-19 juqtyrǵandar sany azaıdy.

«Ekinshiden, bul óte mańyzdy, Dúnıejúzilik densaýlyq saqtaý uıymy da, halyqaralyq densaýlyq saqtaý salasyna jaýapty agenttik te Qytaıdaǵy qandaı da bir jańa vırýstyq mýtatsııa baryn anyqtaǵan joq», - dedi A.Nedzelskıı.

Odan bólek, ol Qytaıdan kelgen adamdardan elde tirkelmegen, bólek vırýs genomy anyqtalmaǵanyn da atap ótti.

«Biz Polshada da bar vırýs genomynyń ádettegi qurylymyna tap boldyq», - dedi mınıstr.

Foto: russian.news.cn