Cloudflare qyzmetindegi aqaý: Spotify, X, ChatGPT isten shyqty

ASTANA.KAZINFORM - Cloudflare ınfraqurylymyndaǵy jappaı tehnıkalyq aqaýlyq búkil álem boıynsha birqatar ınternet qyzmetteriniń jumysynda úzilis týdyrdy, dep habarlaıdy Kazinform.

Másele X (burynǵy Twitter), Spotify, ChatGPT, Discord jáne Steam qyzmetterine áser etti. League of Legends, Valorant jáne Faceit sııaqty oıyn qyzmetterin paıdalanýshylar da jeli aqaýyna shaǵymdandy.

Cloudflare ókilderi aqaý shyqqanyn rastap, máseleni sheshýdi jalǵastyryp jatqanyn málimdedi.

Aıta keteıik, ChatGPT qyrkúıektiń basynda úlken úziliske ushyrady.

Sondaı-aq, 4 qyrkúıekte Alphabet Inc. quramyna kiretin ınternet-gıgant Google-dyń negizgi qyzmetteri álemniń ártúrli elderinde úlken úziliske ushyraǵany týraly habarlandy.

Paıdalanýshylar Gmail, YouTube, Google Maps, Google Drive jáne Google-dyń negizgi izdeý júıesi sııaqty tanymal platformalardyń qoljetimsizdigi týraly habarlady.

Buǵan deıin Alibaba Cloud ChatGPT-ge básekeles joba shyǵarǵany habarlandy.