«Tsıfrlyq Qazaqstan»: Batysqazaqstandyq ýnıversıtet jańa jobany júzege asyrýda
Atalmysh keshenniń quryltaıshysy, tehnıka ǵylymdarynyń kandıdaty, professor, «Qazaqstandaǵy 100 jańa esim» jobasy jeńimpazdarynyń biri Aqserik Áıtimovtiń aıtýynsha, keshen quramyndaǵy «Trans» ǵylymı-zertteý ınstıtýty usynǵan «Ýnıversıtettegi vırtýaldy bilim berý ortasy: oqytýshy-professor quramynyń aqyldy jumys oryndary» atty ǵylymı jobasy respýblıkalyq baıqaýda jeńimpaz atandy. Soǵan sáıkes QR Bilim jáne ǵylym mınıstrligi men Ǵylym qory 227 mln teńge kóleminde grant belgiledi. Osy tyń jobany júzege asyrý barysynda alynǵan nátıjeler men ǵylymı negizdelgen ozyq tehnologııalardy respýblıkanyń barlyq arnaýly orta jáne joǵary oqý oryndaryna taratý kózdelýde.
Bul, árıne, tsıfrlandyrý baǵytynda oqý orny atqarýǵa tıisti jumystardyń bir parasy ǵana. Óıtkeni Elbasy belgilegen Qazaqstandy ozyq 30 eldiń qataryna qosatyn naqty baǵyttyń biri - aqparattyq tehnologııalar ındýstrııasy. ıAǵnı Qazaqstannyń keleshegi tsıfrly ekonomıkada.
Memleket basshysy tarapynan jeke oqý oryndaryn damytýǵa da udaıy kóńil bólinip keledi. Munyń naqty mysalyn osy «Qazaqstan ınnovatsııalyq jáne telekommýnıkatsııalyq júıeler ýnıversıteti» ǵylymı-bilim kesheninen bilýge bolady. Budan shırek ǵasyr buryn ashylǵan shaǵyn «Andas» ortalyǵy búginde quramynda birneshe oqý orny bar iri keshenge aınaldy.
Endigi mindet - Joldaýda kórsetilgen basty maqsat-mindetterdi oryndaı bilý. Ásirese, aqparattyq tehnologııalar boıynsha bilim berýdi barynsha damytý, joǵary oqý oryndaryna bilim berý baǵdarlamalaryn jasaýǵa kóbirek quqyq berip, olardyń akademııalyq erkindigin zańnamalyq turǵydan bekitý qajettigi aıtyldy. Osy oraıda oqytýshylardyń qaıta daıarlyqtan ótýine kúsh salyp, JOO-larǵa sheteldik menedjerlerdi tartyp, álemdik ýnıversıtettiń kampýstaryn ashý qajettigi kúmán týǵyzbaıdy.
Mysaly, Qazaqstan ınnovatsııalyq jáne telekommýnıkatsııalyq júıeler ýnıversıtetiniń birinshi prorektory Almagúl Qamıeva 2015 jyly Bolgarııanyń Varna qalasyndaǵy Ch.Hrabra atyndaǵy ýnıversıtetke doktorantýraǵa túsip, sonyń nátıjesinde ótken jyly doktorlyq dıssertatsııasyn qorǵap keldi.
Sol sekildi zań kafedrasy fakýltetiniń jetekshisi Janar Ahatova 2017 jyly Máskeýden ǵylym kandıdaty dárejesimen oraldy. Rýbek Seıtkereev Samara memlekettik ekonomıka ýnıversıtetin bitirip, zertteý jumystarymen aınalysýda. Akademııalyq utqyrlyq aıasynda Máskeý oblysyndaǵy «Dýbna» tabıǵat, qoǵam jáne adam halyqaralyq ýnıversıtetiniń magıstratýra bólimin bitirgen segiz jas maman keshenge qaıta kelip, jumysqa ornalasty. Qazirgi tańda osy oqý ornynda joldamamen 53 jas bilim alýda.
Oǵan qosa Tatarstannyń Almetev qalasyndaǵy memlekettik munaı ınstıtýtynda, Samaradaǵy Povolje baılanys jáne ınformatıka memlekettik ýnıversıtetinde de aqysyz bilim alyp jatqan stýdentter barshylyq.
«Keshendegi oqý oryndary qazirgi zamanǵy talaptarǵa saı keletin qural-jabdyqtarmen barynsha qamtylǵan. Bul rette IT-tehnologııasy negizinde qurylǵan Haı-tek zerthanasy, robottehnıka zerthanasy, kún, jelden energııa alýdyń ashyq alańy, kún energııasyn paıdalanýdyń gelıoelektromobıl jobasy, balamaly energııany óndiriske, turmysqa paıdalanýdyń zerthanasy jáne basqalaryn aıtýǵa bolady. Ýnıverstıtet oqytýshylary stýdenttermen birge kún sáýlesinen qýat alyp júretin jeńil avtokólik oılap shyǵardy. Túrli respýblıkalyq baıqaýlarda stýdentterdiń ozyp shyǵyp, júlde alýy baǵyttyń durys ekendigin aıqyndaı túsedi. Aldaǵy ýaqytta da Elbasymyz alǵa qoıyp otyrǵan ınnovatsııalyq jańalyqtardy ıgerýge, mobıldi jáne mýltımedııalyq, nano jáne kosmostyq tehnologııany, robot tehnıkasyn, gendik ınjenerııany, bolashaqtyń energııasyn damytýǵa basa mán beretin bolamyz», dedi «QazAqparat» tilshisine Aqserik Áıtimov. 