Chılıde prezıdenttik jáne parlamenttik saılaý ótedi

ASTANA. KAZINFORM — Chılıde prezıdenttik jáne parlamenttik saılaý ótedi. Qazirgi memleket basshysy Gabrıel Borıch konstıtýtsııaǵa sáıkes qatarynan ekinshi merzimge kandıdat bola almaıdy, dep habarlaıdy TASS.

Joǵarǵy memlekettik qyzmetke segiz kandıdat úmitker. Qoǵamdyq pikir saýalnamalarynyń nátıjesine sáıkes, negizgi báseke bes saıasatker arasynda órbıdi: Janett Hara – bıliktegi solshyl-ortalyq koalıtsııa – «Chılı úshin birlik» ókili, Hose Antonıo Kasto – konservatıvti Respýblıkalyq partııadan, Evelına Matteı – «Chılı, alǵa!» ońshyl-ortalyq koalıtsııa atynan, Iohannes Kaızer – Ulttyq-lıberaldyq partııadan, al Franko Parısı – ońshyl-ortalyq «Adamdar partııasy» atynan baq synamaq.

Prezıdentten bólek, chılılikter el parlamentiniń 23 senatory men 155 depýtatyn da saılaıdy.

Aıta keteıik, Iraktaǵy parlament saılaýyna qatysýshylar 55 paıyzdan asqanyn jazdyq.