Chernogorııada Abaı ortalyǵy ashyldy
ASTANA. KAZINFORM — Chernogorııanyń Ulttyq kitaphanasynda qazaqtyń uly aqyny, oıshyly jáne aǵartýshysy Abaı Qunanbaıulynyń 180 jyldyǵyna oraı Abaı ortalyǵynyń saltanatty ashylýy ótti. Bul týraly SІM baspasóz qyzmeti habarlady.
Bul ortalyq Qazaqstan men Chernogorııa arasyndaǵy mádenı yntymaqtastyqtyń sımvolyna, sondaı-aq zııatkerlik dıalogqa, bilim berý jáne shyǵarmashylyq bastamalarǵa jol ashatyn mańyzdy alańǵa aınaldy.
Abaı ortalyǵynyń ashylýy Qazaqstan Respýblıkasynyń Chernogorııadaǵy Bas konsýldyǵynyń uıymdastyrýymen ótkizildi. Іs-sharany ótkizýge Qazaqstan Respýblıkasynyń Mádenıet jáne aqparat mınıstrligi, Ulttyq akademııalyq kitaphana, ıÝNESKO qamqorlyǵyndaǵy Halyqaralyq mádenıetterdi jaqyndastyrý ortalyǵy jáne «Mádenıetter yqpaldastyǵy ortalyǵy» qoǵamdyq birlestigi qoldaý kórsetti.
Saltanatty rásimge Bilim berý, ǵylym jáne dinı qaýymdastyqtarmen baılanys máseleleri jónindegi Chernogorııa Premer-Mınıstriniń orynbasary Býdımır Aleksıch, Podgorıtsa qalasynyń meriniń orynbasary Borıs Spalevıch, sondaı-aq memlekettik organdardyń, dıplomatııalyq korpýstyń, qoǵam, mádenıet pen ǵylym ókilderi jáne buqaralyq aqparat quraldarynyń ókilderi qatysty. Chernogorııa tarapynan joǵary laýazymdy qonaqtardyń qatysýy bul sharanyń ekijaqty yntymaqtastyq úshin mańyzdylyǵyn aıqyn kórsetti.
Ekspozıtsııada Qazaqstannan osy sharaǵa arnaıy ákelingen materıaldar tanystyryldy: Abaıdyń ártúrli tilderdegi shyǵarmalarynyń basylymdary, onyń ómiri men murasyna arnalǵan aýdıo jáne beınematerıaldar, qazaq mádenıeti men óneriniń elementteri, sondaı-aq Qazaqstannyń kórnekti eskertkishteri men tabıǵı kórikti jerleriniń fotosýretteri kórermen nazaryna usynyldy. Abaıdyń mýzykalyq, fılosofııalyq jáne poetıkalyq murasynyń sımvolyna aınalǵan úsh ishekti dombyraǵa erekshe kóńil aýdaryldy.
Ortalyqtyń ashylýy jergilikti aýdıtorııa, dıplomatııalyq korpýs ókilderi, memleket jáne qoǵam qaıratkerleri, sondaı-aq qazaq dıasporasy arasynda úlken qyzyǵýshylyq týdyrdy. Bul Ortalyq shetelde qazaq mádenıetin ilgeriletýge jáne Qazaqstan men Chernogorııa arasyndaǵy gýmanıtarlyq baılanystardy nyǵaıtýǵa eleýli úles qosatyn mańyzdy alańǵa aınalady.
Aıta ketelik Abaıdyń mereıtoıy aıasynda 100-den astam aýqymdy is-shara ótedi.