Chempıondar lıgasy: «Qaırat» elordada «Olımpıakosqa» ese jiberdi
ASTANA. KAZINFORM - Fýtboldan UEFA Chempıondar lıgasy negizgi kezeńiniń altynshy týrynda almatylyq «Qaırat» elordada Grekııanyń «Olımpıakos» (Pıreı) komandasymen kezdesti.
Almatylyq klýbtyń bas bapkeri Rafael Ýrazbahtın negizgi quramada Temirlan Anarbekov (Q) (K), Lýısh Mata, Aleksandr Shırobokov, Egor Sorokın, Erkin Tapalov,Oljas Baıbek, Dan Gleızer, Aleksandr Mrynskıı, Gıorgı Zarııa. Rıkardıno, Edmılsonǵa senim artty.
Birinshi kezeńde basymdyq negizinen grekııalyq fýtbolshylar qolynda boldy. Olar jıi shabýyl uıymdastyryp, gol soǵatyn múmkindikti izdedi. Oǵan almatylyq klýb oıynshylary laıyqty toıtarys berdi. Urymtal sátterde ózderi alǵa qaraı umtyldy. Degenmen dittegen maqsatyna jete alǵan joq.
Ekinshi kezeńde eki komanda tolassyz shabýylǵa ıek artty. Oıynnyń 73-mınýtynda grekııalyq klýbtan Jelson Martınsh soqqan gol «Olımpıakosqa» jeńis alyp keldi.
Osylaısha «Qaırat» qarsylasyna 0:1 eesbimen ese jiberdi.
Endi qazaqstandyq aldaǵy oıynyn 20 qańtarda elordada «Brıýgge» (Belgııa) komandasyn qabyldasa, 28 qańtarda syrt alańda «Arsenal» (Anglııa) klýbymen sheberlik baıqasady.
Almatylyq komanda Chempıondar lıgasynyń týrnırlik kestesinde bir upaımen 35-orynda keledi. Atalǵan týrnırde «Qaırat» portýgalııalyq «Sportıngten» 1:4, ıspanııalyq «Real Madrıdten» 0:5, ıtalııalyq «Interden» 1:2, danııalyq «Kopengagennen» 2:3 esebimen jeńilip qaldy. Al kıprlik «Pafos» komandasymen 0:0 esebimen teń tústi.
«Olımpıakos» komandasy bolsa týrnırlik kestede 2 upaımen 33-orynda keledi. Buǵan deıin kıprlik «Pafospen» 0:0, nıderlandtyq PSV klýbymen 1:1 esebimen teń tússe, anglııalyq «Arsenaldan» 0:2, ıspanııalyq «Barselonadan» 1:6, ıspanııalyq «Real Madrıdten» 3:4 esebimen jeńildi.
