Chempıondar lıgasy: BIІK pen «Aqtóbe» alǵashqy oıynyn ótkizedi

ASTANA. KAZINFORM - Fýtboldan áıelder arasyndaǵy UEFA Chempıondar lıgasy birinshi irikteý kezeńinde qazaqstandyq BIІK (Shymkent) jáne «Aqtóbe» komandalary alǵashqy oıyndaryn ótkizedi.

Shymkenttik klýb syrt alańda qazaqstandyq ýaqytpen 14:00-de Slovenııanyń «Katovıtse» komandasymen sheberlik baıqassa, aqtóbelik fýtbolshylar 18:00-de Italııanyń «Roma» klýbymen sheberlik baıqasady.

BIІK komandasy 2009 jyldan beri Chempıondar lıgasynda el namysyn qorǵap keledi. 2017, 2018, 2019 jyldary 1/8 fınalǵa deıin jetti.

Shymkenttik klýb el birinshiliginde 13 márte chempıondyq ataqty jeńip aldy. Al «Aqtóbe» 2014 jyldan beri el birinshiliginde baq synap júr. 2024 jyly kúmis júldeger atansa, 2018 jyly qola medal alǵan edi. Bıyl eýrokýbok oıyndaryna alǵash ret qatysqaly otyr.

Fınaldyq oıyndar 2026 jyldyń mamyr aıynda Norvegııa astanasy Oslo qalasyndaǵy «Ýllevol» stadıonynda ótedi.

Qazir elimizdiń fýtboldan áıelder arasyndaǵy el birinshiliginde «Aqtóbe» men BIІK alǵashqy eki oryndy ózara bólisip tur.

Eske salsaq, budan buryn «Qaırat» fýtboldan Chempıondar lıgasynyń negizgi kezeńine joldama aldy.