Chempıondar lıgasy: BIІK áıelder klýby «Katovıtse» komandasynan jeńildi

ASTANA.KAZINFORM - Fýtboldan áıelder arasyndaǵy UEFA Chempıondar lıgasy birinshi irikteý kezeńinde qazaqstandyq BIІK (Shymkent) alǵashqy oıynyn ótkizdi.

Jarystyń atalǵan satysynda qazaqstandyq komanda Slovenııanyń «Katovıtse» komandasymen sheberlik baıqasty. Qarsylas sapynan Aleksandra Nesıag 23, 38-mınýtta mergendik tanytty. Osylaısha shymkenttik klýb qarsylasyna 0:2 esebimen jol berdi.

BIІK komandasy 2009 jyldan beri Chempıondar lıgasynda el namysyn qorǵap keledi. 2017, 2018, 2019 jyldary 1/8 fınalǵa deıin jetti. Shymkenttik klýb el birinshiliginde 13 márte chempıondyq ataqty jeńip aldy.

Qazir elimizdiń fýtboldan áıelder arasyndaǵy el birinshiliginde «Aqtóbe» men BIІK alǵashqy eki oryndy ózara bólisip tur. Endi elimizdiń atynan «Aqtóbe» klýby 18:00-de Italııanyń «Roma» klýbymen sheberlik baıqasady.

«Aqtóbe» 2014 jyldan beri el birinshiliginde baq synap júr. 2024 jyly kúmis júldeger atansa, 2018 jyly qola medal alǵan edi. Bıyl eýrokýbok oıyndaryna alǵash ret qatysqaly otyr.