Chempıondar lıgasy: «Bavarııa» men «Real» jartylaı fınalǵa shyqty

ASTANA. KAZINFORM — Eýropa chempıondar lıgasynda «Bavarııa» (Germanııa) men «Real» (Madrıd) jartylaı fınalǵa shyqty. 

Mıýnhende jergilikti «Bavarııa» men «Arsenal» (London) komandalary sheberlik baıqasty. Londondaǵy alǵashqy oıynda 2:2 esebimen teń tarqasqan edi.

Bul joly birinshi taımda «Arsenal» qaýiptirek shabýyldaǵanymen, esep ashylǵan joq.

Ekinshi kezeńde 63-mınýtta nemis qorǵaýshysy Iozýa Kımmıh soqqan jalǵyz gol match taǵdyryn sheshti.

Osylaısha, Tomas Týheldiń shákirtteri jartylaı fınalǵa shyqty.

Eýropa chempıondar lıgasynda ótken jyly jeńimpaz atanǵan «Manchester Sıtı» Manchesterdegi óz alańynda «Real» (Madrıd) komandasyn qabyldady.

Shırek fınaldyq alǵashqy oıynda qos klýb 3:3 esebimen teń tarqasqan edi.

Qarymta matchta 12-mınýtta «Realdan» brazılııalyq shabýylshy Rodrıgo esep ashty. Buǵan 76-mınýtta belgııalyq Kevın de Breıne jaýap qaıyrdy.

Teń aıaqtalǵan báseke ekstataımda jalǵasty. Aqyry penaltı serııasynda Karlo Anchelottı jattyqtyratyn «Real» jeńiske jetti.

Eske sala keteıik, budan buryn chempıondar lıgasynda PSJ men «Borýssııa» klýbtarynyń jartylaı fınalǵa joldama alǵanyn jazǵan edik.