Chehııada joǵalǵan qazaqstandyq stýdent eki aptadan beri tabylmaı jatyr
Ol Pragada 2019 jyldan beri turyp keldi, Blanice stýdenttik jataqhanasynda turyp kelgen, Ambis ýnıversıtetinde oqıdy.
Jas jigittiń ákesi Sergeı Kýzmınniń aıtýynsha, 25 aqpanda balasy dostarymen birge túngi klýbqa barǵan. Aqpannyń 26-synda uly «Áke, ótinemin, kómektesińiz» dep telefon soqqan. Telefon shalǵan kezde bógde dybystar estilmegen. Ol qatty mas bolǵan nemese qatty aýyryp turǵan.
Aldaǵy kúnderi Sergeı Kýzmın Chehııa astanasyna ushýdy josparlap otyr.
«Men ony tappaıynsha ol jaqtan ketpeımin», - dep jazdy ol Instagram jelisinde ulyn izdep-tabýǵa arnalǵan paraqshada.
Jigitti izdeý jumystaryna qazaqstandyq volonterler de qatysýda. Oleg joǵalǵan kúni onyń júrýi múmkin aýmaq zerttelýde.
QR SІM baspasóz qyzmetiniń habarlaýynsha, jergilikti polıtsııa stýdentti izdestirýde, konsýl bul máseleni baqylaýyna aldy.
