Chehııada sý tasqynyna qaramastan Senat saılaýy ótti

ASTANA. KAZINFORM – Chehııada Senat pen aımaqtyq ózin-ózi basqarý organdaryna saılaý aıaqtaldy. Keıbir aýdandarda daýys berý konteınerlerde, shatyrlarda nemese ashyq aspan astynda ótti, dep habarlaıdy Euronews.

Eki kúndik daýys berý sońǵy kúnderi elde jáne Ortalyq Eýropanyń basqa bólikterinde bolǵan jappaı sý tasqyny kezinde ótti. Eýropadaǵy sý tasqynynan 24 adam qaza tapty, onyń beseýi Chehııada.

Keıbir jerlerde daýys berý júk tasymaldaıtyn konteınerlerde, shatyrlarda nemese ashyq aspan astynda ótti. Mektepter men saılaý ýchaskeleri retinde qyzmet etetin basqa da ǵımarattar sý astynda qaldy.

Chehtar joǵarǵy palatanyń úshten birin – 27 senatordy saılaýy kerek edi. El konstıtýtsııasyna sáıkes, onyń ishinara jańartylýy eki jylda bir ret júrgiziledi. Chehııalyq BAQ atap ótkendeı, Senat saılaýynyń nátıjesi saıası kúshterdiń tepe-teńdigine túbegeıli áser etpeıdi.

Chehııa premer-mınıstri Petr Fıala basqaratyn qazirgi bes partııalyq basqarýshy koalıtsııa 81 oryndyq Senatta absolıýtti basymdyqqa ıe. Kelesi aptada saılaýdyń ekinshi kezeńi ótedi.

Eske salaıyq, tolassyz jaýǵan jańbyr Ortalyq Eýropada sý tasqynyna sebep boldy. «Borıs» daýyly Ortalyq jáne Shyǵys Eýropada joıqyn sý tasqynyn týǵyzyp, kóptegen adamnyń qaza bolýy men aıtarlyqtaı shyǵynǵa ákeldi.

Daýyl Aýstrııadaǵy órt sóndirýshi men Polshada sýǵa ketken er adamnyń ómirin qıdy. Rýmynııa da qatty zardap shekti: tabıǵı apattan bes adam qaza boldy, Chehııada birneshe adam iz-túzsiz joǵalyp ketti.

Ortalyq jáne Shyǵys Eýropada tolassyz jaýǵan jańbyr men sý tasqyny saldarynan qaza tapqandar sany 16 adamǵa jetti, taǵy birneshe adam iz-túzsiz joǵalǵan.

Eýroparlament Eýropadaǵy sý tasqynyna baılanysty qarar qabyldady.