Chehııa úkimeti otstavkaǵa ketti

ASTANA.KAZINFORM — Chehııa premer-mınıstri Petr Fıala bastaǵan úkimet otstavkaǵa ketti. Bul týraly Úkimet basshysy habarlady dep Report agenttigi jazdy.

Buǵan deıin el prezıdenti Petr Pavel oppozıtsııalyq ońshyl ANO partııasynyń jetekshisi Andreı Babıshke jańa úkimet qurýdy tapsyrǵan bolatyn.

Konstıtýtsııaǵa sáıkes, otstavkany prezıdent qabyldaıdy, al qazirgi mınıstrler jańa úkimet qurylyp, taǵaıyndalǵanǵa deıin óz mindetterin ýaqytsha atqara beredi.

Eske sala keteıik, Chehııada ótip jatqan parlamenttik saılaýda basty favorıt retinde burynǵy premer-mınıstr Andreı Babısh basqaratyn oppozıtsııalyq «Azamattardyń narazylyq aktsııasy» (ANO) qozǵalysy tanylyp otyǵanyn jazǵan edik.

Chehııadaǵy saılaýlardyń alǵashqy nátıjesi kórsetkendeı,  ANO shamamen 37% daýys jınady. Ekinshi orynda — SPOLU koalıtsııasy, ol 21,5%-dan astam daýys jınady. Úshinshi orynda «Stan» qozǵalysy, ol 10,7% daýys aldy.

Odan keıin SDPG partııasy 8%-dan astam daýyspen, sondaı-aq «Pırattar» 8%-dy jınady. «Avtokólikshiler» de qajetti 5%-dyq shekti artta qaldyrdy, biraq 7%-dan az daýys jınady.

Chehııa Qazaqstannyń saıası jáne ekonomıkalyq salasyndaǵy belsendi seriktesi bolyp tabylady. Sondaı-aq, jergilikti ýnıversıtetterde oqýdy tańdaǵan qazaqstandyq stýdentterdiń sany artyp keledi.