ChatGPT Ózbekstanda salyq tóleýshi retinde tirkeldi
TAShKENT. KAZINFORM – ChatGPT ázirlegen OpenAI jasandy ıntellekt kompanııasy Ózbekstanda QQS tóleýshi retinde tirkeldi. Ózbekctandyqtar ony 2023 jyldyń qarasha aıynan bastap paıdalanyp keledi. Bul týraly Sport.uz saıty jazdy.
8 sáýirde kompanııa Salyq komıtetiniń elektrondy qyzmet kórsetýshileriniń arnaıy platformasyna engizilgen.
AQSh-tyń DigitalOcean bulttyq qyzmetter provaıderi de elektrondy qyzmet provaıderi retinde komıtet tiziminde tur.
Jalpy Ózbekstanda tirkelgen sheteldik ınternet-kompanııalardyń sany 67-ge jetken. 2025 jyldyń basyndaǵy jaǵdaı boıynsha barlyǵy 7 kompanııa salyq tóleýshi retinde tirkelgen.
ChatGPT — OpenAI jasaǵan jáne alǵash ret 2022 jyldyń qarashasynda engizilgen jasandy ıntellektke negizdelgen sóılesý júıesi. Ol paıdalanýshylarǵa ártúrli tapsyrmalardy oryndaýǵa, keńes berýge jáne jalpy suraqtarǵa jaýap berýge kómektesedi.
Ózbekstandyqtarǵa 2023 jyldyń qarashasynan bastap ChatGPT tirkelý jáne paıdalaný quqyǵy berildi.
Aıta keteıik, depýtat Dáýlet Muqaev Qazaqstanda mektep oqýshylaryna jasandy ıntellektini paıdalanýǵa shekteý engizýdi usynǵan bolatyn.
Sondaı-aq, ChatGPT negatıvti jańalyqtar men psıhoterapııaǵa reaktsııa bildiredi.