ChatGPT negizinde onlaın aýdarmashy iske qosyldy

ASTANA. KAZINFORM – OpenAI kompanııasy ChatGPT negizinde avtonomdy veb-aýdarma quralyn iske qosty. 

ChatGPT Translate qyzmeti Google Translate jáne DeepL tárizdi ınterfeıske ıe. Qazirgi ýaqytta ol 50-den astam tildi qoldaıdy, bul Google Translate-tiń 240-tan astam tilin qoldaýymen salystyrǵanda az.

Alaıda, Neowin basylymynyń málimetinshe, jańa qural sannan góri aýdarma sapasyna basymdyq beredi. Qyzmet mátinniń mazmuny men dybysyn eskere otyryp jumys isteıdi. Aýdarma nátıjesiniń astynda jyldam óńdeý úshin arnaıy túımeler bar: mysaly, bıznes nemese akademııalyq stıldi tańdaýǵa, sondaı-aq mátindi balalarǵa túsinikti deńgeıge jeńildetýge múmkindik beredi.

ChatGPT Translate mıkrofon arqyly daýyspen engizýdi qoldaıdy, biraq bul fýnktsııa tek mobıldi nusqada qoljetimdi. Qazirgi ýaqytta sýretti aýdarý múmkindigi engizilmegen.

Tehnıkalyq jaǵynan ChatGPT aýdarma jasaýǵa qabiletti, biraq jańa veb-ınterfeıs jasandy ıntellektini aýdarma salasynda naqty maqsatpen qoldanýǵa baǵyttalǵan.

Eske sala ketsek, buǵan deıin OpenAI ChatGPT-men ıntegratsııalanǵan jeke braýzerin tanystyrǵan bolatyn.