Jasóspirimniń óz-ózine qol jumsaýyna ChatGPT-diń qatysy joq — OpenAI

ASTANA. KAZINFORM — OpenAI San-Frantsıskodaǵy Kalıfornııanyń Joǵarǵy sotyna «jasóspirimniń ólimine jaýapty emespiz» dep jaýap berdi, dep habarlaıdy NBC News.

Tamyz aıynda 16 jastaǵy Adam Reınniń ata-anasy jasandy ıntellekt kompanııasy men onyń bas dırektory Sem Altmandy sotqa berip, jasóspirim ChatGPT-di «ózine qol jumsaý boıynsha jattyqtyrýshy» retinde paıdalandy dep málimdedi.

Sot isindegi chat jýrnaldary GPT-4o jasóspirimdi psıhıkalyq densaýlyq mamandarynyń kómegine júginýden bas tartqyzyp, oǵan sýıtsıd týraly hat jazýǵa kómektesýdi usynǵanyn kórsetti.

Otbasynyń talap-aryzyna sáıkes, Reın ChatGPT-de óz-ózine qol jumsaý týraly oılarymen bóliskende, bot oǵan sýıtsıd týraly senim telefonynyń nómiri bar birneshe habarlama jibergen. 

Kompanııa paıdalanýshy kelisiminde Reınniń buzǵan birneshe erejesin atap ótti. Eń bastysy 18 jasqa tolmaǵan paıdalanýshylarǵa ata-anasynyń nemese qamqorshysynyń kelisiminsiz ChatGPT-di paıdalanýǵa tyıym salynady. 

Sotta bul qaıǵyly jaǵdaı Reınniń «eskertýlerge qulaq aspaýy, kómek suramaýy jáne muqııat bolmaýy» saldarynan týyndaǵanyn aıtady. Sonymen qatar ChatGPT jasóspirimge 11 sáýirde 100 ret kómek suraýdy usynǵanymen, ol bul shekteýlerdi aınalyp ótken.

Eske salaıyq, buǵan deıin AQSh pen Kanada turǵyndary OpenAI ónimine shaǵymdanǵan edi.