ChatGPT-den jeke deregińiz tarap ketýi múmkin — Tsıfrmın
ASTANA. KAZINFORM — Tsıfrlyq damý, ınnovatsııalar jáne aeroǵarysh mınıstrligi Jasandy ıntellekt jáne ınnovatsııalardy damytý komıteti tóraǵasynyń orynbasary Álibek Saılanbaev ChatGPT-diń kómegine júgingen kezde derekterdi urlatyp almaý úshin qandaı saqtyq sharalaryn qoldaný kerektigin aıtty.
— Mysaly siz WhatsApp qoldanasyz ǵoı. WhatsApp-ta da suraq qoıasyz, derekter almasasyz. ChatGPT de týra sondaı — serverleri shetelde ornalasqan. Derekterdiń basqa jerge ketip qalý múmkindigi bar, — dedi ol ortalyq kommýnıkatsııalar qyzmetinde ótken baspasóz máslıhatynda.
Degenmen, ol ChatGPT-de derekterdiń qaýipsizdigine arnalǵan arnaıy fýnktsııa bar eske saldy.
— Eger «Baptaý» bólimine kirip qarasańyz, «Meniń derekterimdi qoldanba» degen batyrma bar. Sony bassańyz derekterińizdi óz modelderinde qoldanbaıdy. Osy fýnktsııany paıdalanyp, tekserip kórseńiz bolady, — dedi Álibek Saılanbaev.
Ótken aptada ChatGPT endi ınternet-dúkennen taýar satyp alyp, PowerPoint prezentatsııalaryn jasaıtyn fýnktsııasyn iske qosqany málim boldy.