Chanakkale buǵazynda kemelerdiń qozǵalysy ýaqytsha toqtatyldy

ASTANA. QazAqparat – Túrkııanyń kólik jáne ınfraqurylym mınıstrligi Chanakkale-Kepez aımaǵyndaǵy orman órtine baılanysty Chanakkale buǵazynda kemelerdiń ońtústik-soltústik baǵyttaǵy qozǵalysy ýaqytsha toqtatylǵanyn habarlady, dep jazady QazAqparat Anadoly aqparat agenttigine silteme jasap.

Qozǵalys eki baǵyttan bir baǵytqa aýysty.

«Jaǵalaý qaýipsizdigi Bas basqarmasynyń qutqarýshy kemeleri órt teńiz jaǵalaýyn sharpyǵan jaǵdaıda yqtımal aralasýǵa tolyq daıyn», - delingen mınıstrliktiń bul týraly jasaǵan málimdemesinde.

Osyǵan deıin Grekııanyń soltústik-shyǵysyndaǵy Dadııa ulttyq saıabaǵynda orman órtinen keıin 26 adamnyń máıiti tabylǵany habarlandy.