C5+1 elderi mádenı mura salasyndaǵy nıetin málimdedi

ASTANA. KAZINFORM – Qazaqstan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan, Ózbekstan Respýblıkasy jáne Amerıka Qurama Shtattarynyń úkimetteri arasynda mádenı mura salasyndaǵy nıetteri týraly málimdemege qol qoıyldy.

S5+1 dıplomatııalyq platformasynyń qurylǵanyna on jyl tolýyna oraı Qazaqstan Respýblıkasynyń, Qyrǵyz Respýblıkasynyń, Tájikstan Respýblıkasynyń, Túrikmenstannyń, Ózbekstan Respýblıkasynyń jáne Amerıka Qurama Shtattarynyń úkimetteri (jıyntyǵynda «S5+1 elderi» dep atalady),

C5+1 elderiniń árqaısysynyń biregeı mádenı murasyn jáne olardyń adamzattyń damýyna qosqan erekshe úlesin moıyndaı otyryp;

S5+1 elderiniń biregeı mádenı muralaryn qorǵaý jáne saqtaý salasyndaǵy yntymaqtastyqtyń mańyzdylyǵyn rastaı otyryp jáne

Mádenı mura, onyń ishinde mádenı almasý, mádenı murany saqtaý salasyndaǵy tájirıbe almasý jáne Ulttyq murajaılar keńesi arqyly yntymaqtastyq salasynda S5+1 elderi arasyndaǵy baılanystardyń tereńdeýin atap otyryp,

kelesi ózara túsinistikke qol jetkizdi:

C5+1 elderi S5+1 elderiniń mádenı murasyn saqtaý, mádenı qundylyqtarynyń zańsyz saýda jolyn boldyrmaý jáne S5+1 elderi arasyndaǵy mádenı ózara is-qımyldy nyǵaıtý maqsatynda kelesi sharalar arqyly yntymaqtastyqty nyǵaıtýǵa jáne keńeıtýge nıetti:

1. Mádenı murany saqtaý jáne mádenı qundylyqtardy qorǵaý maqsatynda quqyq qorǵaý, keden jáne shekara qaýipsizdigi salalarynda aqparat almasýdy nyǵaıtý;
2. Mádenı qundylyqtardyń zańsyz aınalymynyń aldyn alý jáne óner naryǵynyń birtutastyǵyn qamtamasyz etý úshin ózara tolyqtyratyn óńirlik jelilerdi qurý;
3. Mádenı murany jalpy ekonomıkalyq maqsattarǵa kiriktirý múmkindigin zerdeleý, onyń ishinde týrızm sektory men kreatıvti ındýstrııaǵa paıda ákeletin aǵylshyn tilinde bilim berýdi damytý;
4. Konservatsııa, kýratorlyq qyzmet, tirkeý, tsıfrlandyrý, shyǵý tegin zertteý, kórmelerdi uıymdastyrý, mádenı mura nysandaryn basqarý, joıylyp ketý qaýpi bar antıkvarıattardy qorǵaý salalarynda ozyq tájirıbe almasý maqsatynda ınstıtýtsıonaldyq seriktestikti keńeıtý jáne sarapshylar arasyndaǵy almasýlardy júzege asyrý, sondaı-aq etnologııa, arheologııa, sáýlet jáne restavratsııa sııaqty ózara qyzyǵýshylyq týdyratyn basqa da salalarda yntymaqtastyq ornatý;
5. Ulttyq murajaılar keńesiniń qyzmetine barlyq alty eldiń tolyqqandy qoldaý kórsetip, belsendi qatysýyn qamtamasyz etý;
6. Murajaı isi salasyndaǵy yntymaqtastyqty ilgeriletý jáne almasýdy uıymdastyrý, onyń ishinde S5+1 elderiniń jetekshi murajaılary men mádenı mekemelerinde kórmeler men ekspozıtsııalar ótkizý úshin mádenı qundylyqtardy usyný;
7. C5+1 elderiniń mádenı murasyn ilgeriletý, qorǵaý jáne saqtaý máselelerine qatysty halyqaralyq alańdarda ustanymdardy málimdeý;
8. Ulttyq qolóner dástúrleri men sándik-qoldanbaly óner sheberlerin qoldaýdy, sondaı-aq dástúrli mádenıetti, mýzyka men bıdi saqtaýdy qamtamasyz etý;
9. Mádenı qundylyqtardy qorǵaý jáne mádenı murany saqtaý maqsatynda bilim berý, ǵylym jáne ınnovatsııalar salalaryndaǵy yntymaqtastyqty damytýǵa járdemdesý, onyń ishinde akademııalyq jáne zertteý baılanystaryn nyǵaıtý, sondaı-aq S5+1 elderiniń joǵarǵy oqý oryndary men zertteý ortalyqtary arasyndaǵy birlesken bastamalardy qoldaý; jáne
10. Ár eldiń baı mádenı murasyn dáripteıtin festıvalder men mádenı is-sharalardy uıymdastyrý boıynsha yntymaqtastyqty qoldaý.

    

    Foto: QR SІM