BJZQ júzdegen mıllıard teńgeni reıtıngi tómen bankterde saqtaýda - Perýashev

ASTANA. QazAqparat - Búginde BJZQ tómen reıtıngtegi bankterde júzdegen mıllıard teńgeni baǵaly qaǵazdar men depozıtterde ustaýdy jalǵastyrýda. Bul týraly Parlament Májilisindegi jalpy otyrysta QR Ulttyq bank basshysyna joldaǵan depýtattyq saýalynda depýtat Azat Perýashev málim etti, dep habarlaıdy QazAqparat.

Atap aıtqanda, dál osyndaı ınstıtýttarda eń kóp BJZQ-nyń qarjysy saqtalyp jatqandyǵyna toqtalǵan depýtat, 2016 jyldaǵy jaǵdaı boıynsha eń tómen reıtıngtegi bankterdiń depozıtterinde BJZQ-nyń 161 mlrd. teńgesi, al eń joǵary reıtıntegi bankterde 79 mlrd. teńgesi saqtalyp turǵanyn jetkizdi.

Budan bólek, eshqandaı reıtıngi joq bankterdiń baǵaly qaǵazdarynda 61 mlrd. teńge, sondaı-aq eń joǵary reıtıngti bankterde 983 mln. teńge saqtalǵan kórinedi, ıaǵnı bul rette 65 ese kem aıyrmashylyq bar.

«Jalpy aıtqanda, BJZQ senimdi qarjy ınstıtýttaryna qaraǵanda, teris perspektıvaly bankterge salymshylardyń aqshasyn 2-den 65 esege deıin artyq salatyndyǵyn baıqaýǵa bolady. Naqty ekonomıkany qoldamaıtyn, bile tura zeınetaqy jınaqtaryn táýekelge tigetin bul ne degen ınvestıtsııalyq saıasat?!»,-dep atap ótti Perýashev.

Aıta keteıik, belgili sarapshy Rahym Oshaqbaev BJZQ-nyń 71,3 mlrd. teńge aktıvi Ázerbaıjannyń problemalyq Halyqaralyq banki oblıgatsııalaryna salynǵany týraly habarlaǵan edi.