BJZQ «jumyssyzdarǵa salynatyn salyqqa» qatysty jaýap berdi
Qor tóraıymynyń orynbasary Sáýle Egeýbaeva táýelsiz sarapshy Aıman Tursynhannyń 5 jyldan soń zeınetaqy qorynda aqsha qalmaıdy degen boljamyna qatysty túsinikteme berdi.
«Aıman Tursynhan ishki jáne syrtqy aǵyndardy portfeldiń sapasyna qaraı saraptaıdy. Al bizde salymdar memleketpen kepildendirilgen. Sonymen qatar, qor salymdary tabys túsýi úshin ınvestıtsııalanady. Zeınetaqy qorlary uzaqmerzimdi qor bolǵandyqtan, olardyń keıbiri uzaq merzimdi qarjylyq quraldarǵa salynǵan. Sarapshy ınvestıtsııa merzimi men qarjylyq quraldar boıynsha tólemdi tóleý boljamymen salystyryp otyr. Biraq ol qarjylyq quraldardy tólep bitirý merzimin eskermegen», - dedi Sáýle Egeýbaeva.
BJZQ ókili biryńǵaı jınaqtyq tólem týraly da tilge tıek etti.
Onyń aıtýynsha, bul jumyssyzdarǵa salynatyn salyq emes, kerisinshe jumyssyz adamdar osy tólemniń arqasynda medıtsınalyq saqtandyrýǵa qol jetkize alady.
«Biryńǵaı jınaqtyq tólem arqasynda zeınetaqy qoryn tolyqtyrý degen maqsat múlde joq. 3 jylda 500 myń adam biryńǵaı jınaqtyq tólem tóleıtin bolady. Qala turǵyndary úshin bul tólem 1 AEK, ıaǵnı 2405 teńge bolsa, aýyl turǵyndaryna odan da az boldy. Bul somanyń 30%-y zeınetaqy qoryna, 10%-y jeke tabys salyǵy, 40%-y medıtsınalyq saqtandyrý qoryna, 20%-y saqtandyrý qoryna salynady», - dedi Sáýle Egeýbaeva.