BJZQ zeınetaqy jınaǵy týraly málimetti onlaın alýdyń birneshe tásilin usynady
Aqparattandyrýdyń eń tanymal tásilderi – elektrondyq tásilder, ıaǵnı elektrondyq poshta arqyly, BJZQ-ǵa usynylǵan mekenjaıǵa; elektrondyq tsıfrlyq qoltańbany nemese paıdalanýshynyń logıni men parolin, onyń ishinde uıaly qosymshany paıdalana otyryp, jeke kabınet arqyly júzege asyrylady.
«2020 jyldyń 1 naýryzyna deıin sońǵy tásildi 5,6 mıllıonnan astam jeke zeınetaqy shotynyń ıegeri paıdalandy. Bul tásildiń artyqshylyǵy, eń aldymen, jyldam pen yńǵaıly. Basqa tásilden ereksheligi, onyń kómegimen siz kez kelgen ýaqytta jáne kez kelgen jerde shotyńyzdy teksere alasyz. Gadjettińiz arqyly jeke zeınetaqy shotyńyzdan úzindi kóshirme alyp, zeınetaqy aktıvteri boıynsha aǵymdaǵy kórsetkishti, sharttar derektemesin jáne t.b. kóptegen málimetti kóre alasyz», delingen habarlamada.
BJZQ uıaly servıs retinde qosymshany ǵana damytyp qoımaı, messendjerge de túrli fýnktsııalardy belsendi túrde engizýde. Tanymal Telegram messendjerinde shaǵyn úzindi kóshirme alýǵa, jeke kabınettiń qupııa sózin qalpyna keltirip, BJZQ-nyń ózekti jańalyǵymen jáne aǵymdaǵy kórsetkishimen tanysýǵa, sondaı-aq qordyń jaqyn jerdegi bólimshesin tabýǵa bolady.
850 myńnan astam salymshy (alýshy) aqparattandyrý tásili retinde elektrondyq poshtany tańdady. Bul da yńǵaıly tásil.
Aıta ketý kerek, qalalar men oblystar bólinisinde aqparat alýdyń elektrondyq tásili Nur-Sultan, Almaty qalalarynda, Qaraǵandy jáne Túrkistan oblystarynda keńinen taraǵan.
Internettiń jyldam damýyna qaramastan BJZQ fılıalyna kelip ótinish bildirý tásili de tanymaldyǵyn jalǵastyrýda. Qazirgi ýaqytta – bul tanymaldyǵy jaǵynan aqparattandyrýdyń ekinshi tásili. Jeke zeınetaqy shotynyń 1 980 240 ıegeri dál osy nusqany tańdady.
«BJZQ-dan aqparatty poshta qyzmetiniń kómegimen alatyn azamattardyń sany birte-birte azaıyp keledi. Aqparat berýdiń mundaı tásilin jylyna bir ret (!) 3 mln salymshy tańdady. Aqparat alý maqsatynda kórsetilgen meken-jaı ózgergen jaǵdaıda, bul týraly qorǵa habarlaý qajet ekenin eske salamyz. Eger muny jasamasańyz, onda BJZQ-nyń zeınetaqy jınaǵynyń jaı-kúıi týraly aqparatty odan ári jibermeýge quqyǵy bar», delingen habarlamada.