BJZQ zeınetaqy aktıvterin aýdarý barysynda salymshylardyń bir tıyny da joǵalǵan joq - R. Erdenaev

ASTANA. QazAqparat - Biryńǵaı jınaqtaýshy zeınetaqy qoryna zeınetaqy aktıvterin berý barysynda salymshylardyń bir tıyny da joǵalǵan joq.

Búgin Senatta zeınetaqy júıesin odan ári jańǵyrtý máselelerine arnalǵan dóńgelek ústel barysynda Biryńǵaı jınaqtaýshy zeınetaqy qorynyń basqarma tóraǵasy Rýslan Erdenaev osylaı málim etti.

«Aktıvterdi berý barysynda eshqandaı da «joǵalyp ketýler» oryn alǵan emes. ıAǵnı, salymshynyń jekemenshik zeınetaqy qorlaryndaǵy aktıvterindegi shotynda aýdarý kúni qansha teńge bolsa, sol kúni BJZQ-yna týra tıynyna deıin aýdarylyp, tústi», - dedi R. Erdenaev. Onyń aıtýyna qaraǵanda, buǵan árbir salymshy BJZQ-ynan óziniń shotynyń jaǵdaıy týraly túbirtekti alyp, kóz jetkizýine bolady, onda aýdarymdar somasy naqty kórsetiledi.

«Aıta keterligi, BJZQ men Ulttyq banktegi esep bizde qatar júrgiziledi», - dedi ol.