BJZQ zeınetaqy aktıvteri 1 qańtarda 10,8 trln teńgeni qurady

ALMATY. QazAqparat - Biryńǵaı jınaqtaýshy zeınetaqy qory ( BJZQ) ınvestıtsııalyq qyzmetke qysqasha sholýdy usyndy, dep habarlaıdy QazAqparat tilshisi.

2020 jyldyń 1 qańtaryndaǵy jaǵdaı boıynsha BJZQ– nyń QR Ulttyq bankiniń senimgerlik basqarýyndaǵy zeınetaqy aktıvteri 10 798,31 mlrd teńgeni qurady», - delingen qor habarlamasynda.

1 qańtardaǵy jaǵdaı boıynsha BJZQ ınvestıtsııalyq portfelindegi boryshtyq qarjy quraldaryn óteýge ortasha alynǵan kiristilik jylyna 7,1% qurady, onyń ishinde teńgemen kórsetilgen – jyldyq 8,7%, sheteldik valıýtada – jyldyq 3,2%.

BJZQ zeınetaqy aktıvteri portfelinde negizgi úles QR memlekettik baǵaly qaǵazdarynyń enshisinde, olardyń eseptik aıdaǵy aǵymdaǵy quny 19,19 mlrd teńgege azaıyp, 4 368,01 mlrd teńgeni qurady. Olardyń portfeldegi úlesi - 40,45%.

Shet memleketterdiń memlekettik baǵaly qaǵazdarynyń quny 226,42 mlrd teńgege kemidi jáne 1 235,06 mlrd. teńgeni qurady. Olardyń portfeldegi úlesi -11,44%.

Halyqaralyq qarjy uıymdarynyń oblıgatsııalarynyń quny 361,70 mlrd teńge. Olardyń portfeldegi úlesi 3,35% qurady.

QR ekinshi deńgeıdegi bankterindegi ortasha merzimdi óteý merzimi 4, 64 jyldy quraıtyn salymdardyń quny esepti aıda 0,44 mlrd teńgege tómendep, 254,91 mlrd teńgeni qurady. Olardyń portfeldegi úlesi - 2,36%.

Sheteldik bankterdegi depozıtterdiń quny 328,42 mlrd teńgeni qurady. Olardyń portfeldegi úlesi - 3,04% .

Ulttyq banktegi depozıtterdiń quny 138 mıllıard teńgeni qurady. Olardyń portfeldegi úlesi - 1,28%.

QR kvazımemlekettik uıymdardyń oblıgatsııalarynyń aǵymdaǵy quny 1,13 mlrd teńgege kemidi jáne 1 604,96 mlrd teńge kóleminde. Olardyń portfeldegi úlesi 14,86% qurady.

QR ekinshi deńgeıdegi bankteriniń oblıgatsııalarynyń aǵymdaǵy quny 11,48 mlrd teńgege azaıdy jáne 1 183,29 mlrd teńgeni qurady. Olardyń portfeldegi úlesi -10,96%.

Kvazımemlekettik sektordyń sheteldik emıtentteriniń oblıgatsııalarynyń quny 232,50 mlrd teńgeni qurady. Olardyń portfeldegi úlesi - 2,15 %.