BJZQ: Taza ınvestıtsııalyq tabys bir jyl ishinde 222,19 mlrd. teńgege artty
Bul týraly búgin «Biryńǵaı jınaqtaýshy zeınetaqy qory» AQ baspasóz qyzmetinen habarlady.
«Sharttardyń barlyq túri boıynsha salymshylardyń (alýshylardyń) jeke zeınetaqy shottarynyń (JZSh) sany 10,15 mln. birlikten asty, onyń ishinde mindetti zeınetaqy jarnalary esebinen jasalǵany shamamen 9,7 mln. Mindetti kásiptik zeınetaqy jarnalary boıynsha salymshylar sany - 405 713 birlik, al erikti zeınetaqy jarnalary boıynsha 39 075 birlik», - delingen habarlamada.
Taza ınvestıtsııalyq tabys somasy - 378,82 mlrd. teńge, bul ótken jylǵy uqsas kezeńdegiden (156,63 mlrd. teńge) 222,19 mlrd. teńgege artyq. Sonymen qatar, BJZQ salymshylarynyń zeınetaqy aktıvteri boıynsha jyldyq tabystylyq (2015 jylǵy shilde - 2016 jylǵy shilde) 17,7% deńgeıindegi qunsyzdanýdan asyp, 19,1%-dy qurady. 2016 jyl basynan bergi tabystylyq 6,4%-dy qurady, bul uqsas kezeńdegi qunsyzdaný deńgeıinen (5,2%) 1,2%-ǵa joǵary.
Jyl basynan beri BJZQ jasaǵan zeınetaqy tólemderi men aýdarymdary 106,58 mlrd. teńge mólsherindegi somany qurady, buǵan 10,95 mlrd. teńge mólsherindegi saqtandyrý uıymdaryna aýdarymdar kirdi.
Árbir salymshy (alýshy) kez kelgen kúnge óz JZSh-yndaǵy jınaqtary týraly 236 BJZQ bólimshesiniń birinen nemese Qor saıty arqyly «Internet-úzindi kóshirme» bóliminen bile alady. Sondaı-aq salymshylarda (alýshylarda) óz zeınetaqy shotyn túrli operatsııalyq júıelerde jumys isteıtin smartfondar men planshetterge arnalǵan «ENPF» uıaly qosymshasy arqyly baqylaý múmkindigi bar. 2016 jylǵy 1 tamyzda uıaly qosymsha júktep alýynyń jalpy sany 267,6 myńǵa jetti. Kóshbasshy - Android, osy platformadaǵy qosymsha 215,6 myń ret júktep alynǵan, bul barlyq júkteýdiń 80,6%-yn quraıdy. Ekinshi orynda iOS: iPhone jáne iPad úshin qosymshany 47,1 myń ret júktep alǵan, úshinshi orynda Windows Phone - 4,9 myń júktep alý.
«Biryńǵaı jınaqtaýshy zeınetaqy qory salymshysynyń (alýshysynyń) zeınetaqy jınaqtarynyń jaı-kúıi týraly aqparat (ınvestıtsııalyq tabys eskerilgen) berý» qyzmeti iske qosylǵan 2015 jyldyń aqpan aıynan bastap 2016 jylǵy 1 tamyzǵa deıin elektrondyq úkimet portaly arqyly salymshylardyń (alýshylardyń) jeke zeınetaqy shottarynan 315 myńnan astam úzindi kóshirme berilgen.